Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Портлашдан ҳимояланган электродвигателлар. Тузилиши, вазифаси, хиллари ва белгиланиши. Портлашдан ҳимояланган электродвигателларни ёнғин хавфлиги тартибида ишлаши

/2; 3; 5; 6; 7; 9; 11; 12; 14; 15/
Портлашдан ҳимояланган электродвигателлар вазифаси, тузилиши ва ишлаш принципларини ҳақида тушунча бериш, уларнинг хилларини, асосий кўрсаткичларини кўрсатиш. Портлашдан ҳимояланган электродвигателлар русумларини белгиланишларини мисоллар келтириб тушунтириш. Элекртодвигателларнинг ёнғин хавфлилиги тартибида ишлаши ҳақида тушунча бериш, унинг келиб чиқиши, хавфли оқибатлари ва ундан муҳофазаланиш йўлларини кўрсатиш.
Электродвигателлар – электр энергиясини механик энергияга айлантириб берувчи қурилмадир.
Электродвигателлар қобиқ қисмининг ҳимоя даражаси бўйича синфларга бўлинади: очиқ; ҳимояланган; сачрашдан ҳимояланган; томчидан ҳимояланган; ёпиқ; сиқилган ҳаво орқали совутиладиган; шамоллатиладиган; чангдан ҳимояланган; сувдан ҳимояланган.
Портлаш хавфи бўлган ҳудудларда ишлатиш учун махсус, портлашдан ҳимояланган электр двигателлари қўлланилади. Ушбу двигателларнинг портлашдан ҳимояси усули ва тури бўйича улар портлаш кирмайдиган ва портлашга қарши юқори ишончли га бўлинади.
Портлашдан ҳимояланган электр двигателларнинг ишлашида уларнинг портлашдан ҳимояси ва ишончлилиги кўпинча уларни ясашда ишлатилган материалларнинг хусусиятига боғлиқ. Илгаридан тайёрлаб келинаётган ва ҳозирги даврда ҳам ишлатилаётган электродвигателларни русуми КО, КОМ, МА-36 ҳозирги кунда бир қанча камчиликларга эга, шунинг учун ҳозирда АО2 русумли электродвигателлар базаси асосида янги ВАО- взрывонепроницаемый асинхронный обдуваемый электрдвигателлари ишлаб чиқарилмоқда.
ВАО русумли электродвигателлар модификацияси қуйидагича белгиланади:
ВАОК (фаза роторли); ВАОТ (конвейерли); ВАОЛ (лебёдкали); ВАОМ (жойни шамоллатиш учун); ВАОА (таянч сиқуви учун) ва х.з.
Элекртодвигателларнинг ёнғин хавфлилиги тартибида ишлаши бу - уларнинг ҳар қандай тартибида, яъни электродвигател ҳароратининг рухсат этилган ҳароратдан юқори бўлишидир. Электрдвигателларнинг ёнғинга хавфли тартиблари қуйидаги ҳолларда бўлади: таъминот кучланишининг пасайиши ёки кўпайиши оқибатида; двигател ўқига номинал юкланишдан ортиқ юкланиш бўлганида; бир фазанинг узилиши оқибатида; чўлғам изоляциясининг шикастланишида; шамоллатишнинг ёмонлашуви оқибатида; қўшимча истеъмолчиларни улашда ва ҳ.к.

25.