Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Девор қалинлигига қараб қиздиргич печлари:

-қалин деворли ( оловхона деворларининг қалинлиги 12 см ва ундан ортиқ бўлган, қолган деворларнинг қалинлиги эса 6,5 см ва ундан ортиқ);
-юпқа деворли ( оловхона деворларининг қалинлиги 12 см гача бўлган, қолган деворларнинг қалинлиги эса 7 см гача).
Материалларига қараб қиздиргич печлари:

• 
  таркиби майда қисмлардан иборат бўлган;
  

• 
  темир футлярли ёки синчли;
  
• 
  иссиққа чидамли йиғма блоклардан терилган;
  
• 
  керамика ва чўян материалларидан ясалган.
  

Қаватлар сонига қараб қиздиргич печлари:

• 
  -бир қаватли;
  
• 
  -кўп қаватли (қиздиргичлар бир неча қаватларда жойлашган бўлиб, унинг қиздириш оловхонаси биринчи ёки ертўла қаватида жойлашган);
  

• 
  -кўп ярусли (қиздиргич печкалари бир-бирининг устига жойлашган бўлиб, унинг ҳар бири ўзининг оловхонасига эга)
  

Тузилиш формасига қараб қиздиргич печлари:

• 
  -тўғри бурчакли;
  
• 
  -квадратли;
  
• 
  -кўп бурчакли;
  
• 
  -бурчакли (учбурчакли)
  

Қиздиргич печларининг ичидаги газнинг айланишига қараб :

• 
  -бир оборотли- (мўри (канал) ларда газнинг кетма-кетликда айланиши);
  
• 
  -икки оборотли;
  
• 
  -кўп оборотли.
  

Иситишига қараб қиздиргич печлари:

• 
  Иситиши паст (ўртача) бўлган (алохида нуқтадаги деворларнинг ташқи юзасидаги иситиш ҳарорати 80-90⁰С);
  
• 
  Иситиши юқори бўлган қиздиргичлар (ташқи юзадаги ўртача ҳарорати 90⁰С ва бошқа нуқталарида 120⁰С ча);
  
• 
  Иситиши жуда юқори бўлган (ташқи юзадаги ҳарорат қизитиш печкаларининг иситишидан юқори).
  

Қиздиргич печларини иситиш учун ҳар хил ёқилғилар (қаттиқ, суюқ, газ тарзидаги) ишлатилади. Юқорида кўрсатилган ёқилғиларнинг иссиқлик бериши ҳар хил. Шунинг учун қиздиргич печларининг ёнғин хавфини тахлил қилганда, оловхонасидаги ёқилғининг турига ва унинг иссиқлик беришига аҳамият берилиши керак.
Қиздиргичларнинг ёнғиндан хавфлилиги қуйидагилардан иборат:

• 
  -қиздиргич печларининг элементлари юзасида юқори ҳароратнинг ҳосил бўлиши;
  
• 
  -печларнинг оловхонасидаги ҳарорат 1000⁰С бўлиши мумкин, лекин тутун чиқариш мўрилари (каналлари) нинг атрофидаги қаватлараро ораёпмалари 500⁰С га мўлжалланган;
  
• 
  қизитиш печкаларининг юқори ҳароратгача иситиши;
  
• 
  қизитиш печ деворларида ёки мўриларида ёриқларининг мавжудлиги;
  
• 
  қиздиргич печларининг материалларини нотўғри танланиши;
  
• 
  оловхонадан чиқадиган аланганинг қурилиш конструкцияларга таъсири;
  
• 
  ёнувчи нарсаларнинг иситиш печларига яқин туриши;
  
• 
  ёнадиган нарсаларга ёки материалларга печлардан чиқадиган иссиқликнинг ёки нурнинг таъсири;
  
• 
  қизитиш печлари ажратмаларининг йўқлиги ёки ўлчами етишмаслиги;
  
• 
  печ оловхонасидан чиққан ёқилғининг ёнувчи конструкцияга тушиши.