Ict glossary Final Book 2004 10 26. doc

OS

qisq.: Operating System

operatsion tizim

OS/2 operatsion (amaliy) tizimi

ingl.: OS/2 operating system

rus.: операционная система OS/2

IBM tomonidan shaxsiy kompyuterlar uchun ishlab chiqilgan operatsion tizim. Operatsion tizimning birinchi rusumi OS/2, ilgari asosiy kompyuterlarda ishlatilgan tizimli amaliy me’moriy tuzilma asosida 1987 yili yaratilgan OS/2, asosan serverlarda foydalanish uchun mo‘ljallangan. Tizim yuqori darajadagi ishonchlilikka ega, lekin, u bilan faqat malakali foydalanuvchilar ishlashi mumkin. OS/2

ma’lumotlarga ishlov berishning tarqoq muhiti spetsifikatsiyasi bilan mos keladi va simmetrik multiprotsessorli ishlovni qo‘llab-quvvatlaydi. Bu ishlovda tizimning 16 gacha protsessori ishtirok etishi mumkin. OS/2 turli rusumdagi protsessorlar bilan ishlaydi..
osilib qolish

ingl.: hang rus.: зависание

Kompyuter ishining kutilmaganda to‘xtab qolishi. Bunda kompyuter foydalanuvchi buyruqlariga javob bermay qo‘yadi.

oyna

ingl.: window rus.: окно

1. 
   Dasturiy qo‘llanmani yoki hujjatni ko‘rsatadigan displey ekranining to‘rtburchakli qismi, dastur yoki foydalanuvchi ayrim ekran bilan ishlagandek ishlaydigan, ekran qismi. Foydalanuvchining grafik interfeysining muhim elementi.
   
2. 
   Ma’lumotlarga ishlov berishda va ularni uzatishda bo‘laklash vositasi. Oyna, ma’lumotlar manbai, ularni qabul qiluvchiga yetib borganligi va xatosi yo‘qligi tasdig‘ini olmay turib, uzatishi mumkin bo‘lgan ulushni aniqlaydi. Shu usul bilan, tarmoqda ma’lumotlar oqimini boshqarish va qabul qiluvchi – tizimni imkoniyatlaridan oshadigan tezlik bilan uzatishga yo‘l qo‘ymaslik mumkin.