Ichki yonuv dvigatellarining asosiy parametrlarini tahlil qilish

Nosozliklarni tekshirish.Detallarni yeyilishi,porshen xalqalarini silindrlarning yuzasida ishqalanishi natijasida yuzaga keladi. Yeyilish natijasida ular balandlik bo’yicha konussimon, kundalang kesimi bo’yicha esa oval ko’rinishida bo’ladi. Silindrning yuqori qismi ko’proq darajada yeyiladi. Bu silindrning yuqori qismidagi baland harorat va moylanishning yetarli emasligidir, shuningdek gaz yuqoridan birinchi porshen xalqasiga tegib, uni birinchi xalqaga nisbatan katta kuch bilan silindr devorlariga siqadi.

Silindrlar yeyilsa, xalqalar va porshen oralig’idagi tirqish kattalashadi. Havo yoki yonilg’i aralashmasi va ishlatilgan gazlar silindrdan karterga siqib chiqariladi, buning natijasida yonish kamerasida bosim kamayadi va karterdan moy yonish kamerasiga o’tadi. Bunday nome’yoriy holat, o’z navbatida dvigatel quvvatini pasaytiradi va ishlatilgan gazlarni tutashiga, moy va yonilg’i sarfini ko’payishiga, yonish kamerasida qurum hosil bo’lishini jadallashishiga, ayrim hollarda esa porshen xalqalarini kuyishiga olib keladi. Qurum hosil bo’lishining kuchayishi dvigatel ortiqcha yuklamada ishlaganda, uning aylanishlar davriyligi kichik bo’lganda uzluksiz ishlaganda yoki tayyorlovchi zavod tavsiya qilmagan moy qo’llanilishida sodir bo’lishi mumkin. Porshen xalqalarining kuyishi dvigatel quvvatini keskin pasayishi va moy sarfining sezilarli oshishiga olib keladi, kuyindilarning zarrachalari esa ishqalanuvchi yuzalar yeyilishini tezlashishiga olib keladi.