Ички меҳнат тартиби қоида

VII. МЕҲНАТ ШАРТНОМАСИ ТОМОНЛАРИ ЎРТАСИДАГИ ИХТИЛОФЛАРНИ ҲАЛ ЭТИШ
7.1. Ҳар бир ходим қонунчиликларда, мазкур Қоидаларда, бошқарманинг бошқа локал ҳужжатларида ва меҳнат шартномасида кўзда тутилган меҳнат ҳуқуқуларини ҳимоя қилиш учун малакали юридик ёрдам олиш шу жумладан судга мурожаат қилиш ҳуқуқига эгадир. 7.2. Ўзининг ҳуқуларини бузилган деб ҳисобловчи ходим мустақил равишда ёки касаба уюшма қўмитаси орқали иш берувчига оғзаки ёки ёзма шаклда мурожаат қилишга ҳақлидир. Ходимнинг мурожаати расмий равишда рўйхатга олиниши керак. 7.3. Ходимнинг мурожаатига ёзма жавоб унинг мурожаати моҳиятига кўра, бевосита кўриб чиқилгандан кейин юборилади. Ходимнинг аризаси у берилган кундан бошлаб 10 кундан кечиктирмай кўриб чиқилади. 7.4. Ходим судга ёки меҳнат низолари бўйича комиссияга қуйидаги муддатларда мурожаат қилишга ҳақли:
- ишга тиклаш тўғрисидаги низолар бўйича ходимга у билан меҳнат шартномасини бекор қилиш тўғрисидаги буйруқнинг кўчирма нусҳаси топширилган кундан бошлаб кўпи билан 1 (бир) ой ичида;
- бошқа низолар бўйича – ходим ўз ҳуқуқини бузилгани тўғрисида билган ёки билиши керак бўлган кундан бошлаб 3 (уч) ойдан кечиктирмай; - ходимни соғлиғига етказилган зарарни тўлаш тўғрисидаги низолар бўйича судга мурожаат қилиш муддати белгиланмайди.


1-илова
«ТАСДИҚЛАЙМАН» «КЕЛИШИЛГАН»
Наманган вилоят Махалла ва Бошқарма Касаба уюшма
Оилани қўллаб қувватлаш
бошқармаси бошлиғи қумитаси раиси:
__________А. Мансуров __________ О. Камолов.
«___»_________2022 й. «___»___________2022й
Наманган вилояти Махалла ва оилани қўллаб қувватлаш бошқармасининг
“Ички меҳнат тартиби қоида”лари
1. УМУМИЙ ҚОИДАЛАР
1.1. Ички меҳнат тартибининг ушбу қоидалари (кейинги ўринларда Қоидалар) Ўзбекистон Республикаси Президентининг «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида» ги 2020 йил 18 февралдаги ПФ-5938-сон Фармони ҳамда «Ўзбекистон Республикаси Маҳалла ва оилани қўллаб-қувватлаш вазирлиги фаолиятини ташкил этиш тўғрисида» 2020 йил 18 февралдаги ПҚ-4602-сон қарори ижросини таъминлаш мақсадида Вазирлар Маҳкамасининг 15 апрель 2020 йилги 228 қарори, Ўзбекистон Республикаси Меҳнат Кодекси ва бошқа қонун ҳужжатларига мувофиқ ишлаб чиқилди.
Ушбу қоида меҳнат шартномасини тузиш, ўзгартириш, қўшимча киритиш ва бекор қилишни, меҳнат интизомини таъминлашни, иш ва дам олиш вақтидан фойдаланишни, меҳнат муносабатлари соҳасидаги келишмовчиликларни, низоларни ва ходимларни меҳнат фаолияти давомида пайдо бўладиган бошқа масалалари ҳал этилишини тартибга солувчи қоидаларни қўллашни белгиловчи бошқарманинг асосий локал норматив ҳужжати ҳисобланади.
1.2. Қоидалар бошқармада касаба уюшма қўмитаси билан келишиб тасдиқланган кундан бошлаб кучга киради ва қўлланилади. Қоидаларга ўзгартириш ва қўшимчаларни иш берувчи касаба уюшма қўмитаси билан келишган ҳолда киритиб жамоага етказади.
1.3. Мазкур қоидаларга риоя этиш ходимлар ва иш берувчи учун мажбурий ҳисобланади, уларни бажармаслик қонун ҳужжатларида белгиланган тартибда жавобгарликка тортиш учун асос бўлиб хизмат қилади.