Ички меҳнат тартиби қоида

Наманган вилоят Махалла ва оилани қўллаб қувватлаш бошқармасининг “Ички меҳнат тартиби қоида”лари
1. УМУМИЙ ҚОИДАЛАР
1.1. Ички меҳнат тартибининг ушбу қоидалари (кейинги ўринларда Қоидалар) Ўзбекистон Республикаси Президентининг «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида» ги 2020 йил 18 февралдаги ПФ-5938-сон Фармони ҳамда «Ўзбекистон Республикаси Маҳалла ва оилани қўллаб-қувватлаш вазирлиги фаолиятини ташкил этиш тўғрисида» 2020 йил 18 февралдаги ПҚ-4602-сон қарори ижросини таъминлаш мақсадидаги Вазирлар Маҳкамасининг 15 апрель 2020 йилги 228 сонли қарори Ўзбекистон Республикаси Меҳнат Кодекси ва бошқа қонун ҳужжатларига мувофиқ ишлаб чиқилди.
Ушбу қоида меҳнат шартномасини тузиш, ўзгартириш, қўшимча киритиш ва бекор қилишни, меҳнат интизомини таъминлашни, иш ва дам олиш вақтидан фойдаланишни, меҳнат муносабатлари соҳасидаги келишмовчиликларни, низоларни ва ходимларни меҳнат фаолияти давомида пайдо бўладиган бошқа масалалари ҳал этилишини тартибга солувчи қоидаларни қўллашни белгиловчи бошқарманинг асосий локал норматив ҳужжати ҳисобланади.
1.2. Қоидалар бошқармада касаба уюшма қўмитаси билан келишиб тасдиқланган кундан бошлаб кучга киради ва қўлланилади. Қоидаларга ўзгартириш ва қўшимчаларни иш берувчи касаба уюшма қўмитаси билан келишган ҳолда киритиб жамоага етказади.
1.3. Мазкур қоидаларга риоя этиш ходимлар ва иш берувчи учун мажбурий ҳисобланади, уларни бажармаслик қонун ҳужжатларида белгиланган тартибда жавобгарликка тортиш учун асос бўлиб хизмат қилади.
II. Бошқарма бошлиғининг мажбуриятлари
2.1. Бошқарма бошлиғи (кейинги бандларда иш берувчи деб юритилади) ходимларни зиммасига юклатилган меҳнат вазифалари билан таништиради. Меҳнат, техника хавфсизлиги йўриқномаси билан таништириб махсус дафтарга имзо қўйдиради.
2.2. Ходимларнинг меҳнат қилишлари учун шароит яратади (зарур жихозлар билан таьминлаш, оргтехника билан таьминлаш), дам олишлари учун зарур бўлган норматив ҳужжатларда, санитария қоидаларида назарда тутилган шароитларни яратиб беради. 2.3. Бошқарма жамоа шартномасига асосан муассасанинг барча фаолиятига рахбарликни амалга оширади. Молия-хўжалик фаолияти масалаларини ҳал қилади. Ходимлар меҳнатини ташкил этади, меҳнат ва ишлаб чиқариш интизомини таъминлайди, меҳнат муҳофазаси ва техника хавсизлиги қоидаларига риоя этилишини, шунингдек тегишли ходимларнииг муҳофаза воситалари билан таъминлайди.
2.4. Ходимларнииг эҳтиёжи ва асосли талабларига эътибор 6илан қарайди, уларнинг меҳнат ва турмуш шароитларини яхшилаб боради.
2.5. Ходимларга иш ҳақи, устама, товон, нафақа, моддий ёрдам ва рағбатлантириш пулларини ўз вақтида берилишини таъминлайди. Бюджетдан ташқари маблағ ишлаб топиб, оталик ташкилотлар, ҳомийларни ёрдами билан ходимларни моддий имкониятларини яхшилашга, бошқарма моддий-техник базасини мустаҳкамлашга ҳаракат қилади.
2.6. Жамоани фикрини инобатга олган ҳолда меҳнатда сезиларли ютуққа эришган ходимларни мукофотлаш, меҳнат интизомини 6узган ходимларни интизомий жазога тортиш ишларини олиб боради.
2.7. Ходимларнинг меҳнат малакасини, маълумотини оширишлари учун шароитлар ратиб беради. Шаҳодатлаш орқали самарали ишлаётган ходимларнинг тоифасини ошириб боради, хизмат сафарбарлиги бўйича шароит яратиб беради.
2.8. Иш берувчи касаба уюшма қўмитаси билан келишган ҳолда юқори ваколатли ташкилотларнинг қарорлари асосида ходимларни ишдан ташқари уюштириладиган тадбирларга (шанбалик, ободонлаштириш, мавсумий қишлок хўжалик ишлари ва ҳоказоларга) жалб этади.