«Ибрайым Юсупов избасарлары» ҳәм «Тѳлепберген Қайыпбергенов шығармаларының билимданы» таңлаўын ѳткериў бойынша Қоспа қарары

VI.3. Екинши шәрт; «Шайырлар шығармаларыныӊ билимданы» деп аталады. Бул шәртте столға барлық қатнасыўшыларға жетерли дәрежеде билет жайылады. Олардың ҳǝр биринде И.Юсупов ҳәм Т.Қайыпбергенов шығармаларының бири жазылған болады. Оқыўшы сол шығарманың мазмунын, тематикасын айтып бериўи шǝрт болады. Қатнасыўшылар избе-изликте даўам етеди. Қатнасыўшыныӊ шығарманы оқып шыққанлығы оны билиў дәрежесине қарап 10 баллық системада баҳаланады. (Бул шәртте ҳәр бир қатнасыўшығы ойланыў ушын 2 минут ўақыт бериледи, барлық қатнасыўшыға кететуғын ўақыт 1-саат)
VI.4. Үшинши шәрт; «Жас китапхан» қосық айтыў шәрти деп аталады.Бул шәртте столға барлық қатнасыўшыларға жетерли дәрежеде билет жайылады. Олардың ҳǝр биринде шайырлар И.Юсупов ҳәм Т.Қайыпбергенов қосықларынан үш қосығыныӊ аты жазылған болады. Қатнасыўшы сол қосықты көркемлеп ядтан айтып ҳǝм ѳмири, дѳретиўшилиги ҳаққында мағлыўмат береди. Таӊлаўдыӊ барлық қатнасыўшылары избе-изликте даўам етеди. Оқыўшыныӊ сол қосықты ядтан билиўине оны көркемлеп айтыўына қарап 10 баллық системада баҳаланады. (Бул шәртте ҳәр бир қатнасыўшығы ойланыў ушын 2 минут ўақыт бериледи, барлық қатнасыўшыға кететуғын ўақыт 1-саат)
VII. Шөлкемлестириўши комитет ҳәм де қатнасыўшылардыӊ ҳуқық мәжбүриятлары
VII.1. Шөлкемлестириўши комитет искерлиги даўамында төмендеги ўазыйпаларды әмелге асырады.
- таӊлаўды өткериў бойынша қарар қабыл етеди
- таӊлаў ҳаққындағы режеге зәрүрликтен келип шығып өзгерислер киритеди.
- таӊлаў басланыўы ҳаққында белгиленген мүддетлерде Республика Руўхыйлық ҳәм ағартыў орайы районлық бөлими ҳәм де бирге ислесиўши мекеме, шөлкемлердиӊ веб-сайтларында ҳәм республика мәлимлеме ғалаба-хабар қураллары арқалы дағаза береди.
- таӊлаўдыӊ өткериў шәртлерин (таӊлаў өткериў қағыйдалары, мүддети, баҳалаў процесси дәрежелери ҳәм басқышларын) белгилейди.
- төрешилер қурамы ағзаларын ҳәм олардыӊ баслықларын тайынлайды.
-таӊлаўға ҳүжжетлердиӊ қабыл етиўин шөлкемлестиреди, арзалардыӊ режеде көрсетилген талаплар тийкарында рәсмийлестирилиўин қадағалайды.
VII.2. Шөлкемлестириўши комитет өз искерлиги даўамында төмендеги ҳуқықларға ийе;
-таӊлаўға қатнасыўшы режеде көрсетилген талапларға жуўап беретуғынлығы
- таӊлаў қатнасыўшысы усы режеде көрсетилген талапларды бузған ҳәм де таӊлаўды өткериў шәртлерине мас келмеген тәризде оны таӊлаўдан шетлетиў.
VII.3. Шөлкемлестириўши комитет төмендеги тәртипте қарар қабыл етеди.
- Шөлкемлестириўши комитет тәрепинен барлық қарарлар тек төрешилер ағзаларыныӊ даўыс бериў жолы менен ҳәм де көрилип атырған мәселениӊ актуаллығына қарап қабыл етеди.
- даўыс бериў нәтийжелери онда шөлкемлестириўши комитет ағзаларыныӊ 2/3 бөлимнен көби қатнасқан жағдайда ҳақыйқый деп қабыл етиледи.
VII.4. Шөлкемлестириўши комитет таӊлаў процессиндеги төмендеги мәжбүриятларды өз жуўапкершилигине алады.
- таӊлаўдыӊ барлық қатнасыўшылары ушын теӊ шараят ҳәм қолайлықларды жаратыў;
- таӊлаўдыӊ ашық-айдынлықта өткерилиўин тәмийинлеў;
VII.5.Таӊлаўдыӊ Қарақалпақстан Республикасы басқышы қатнасыўшыларыныӊ мәжбүриятлары төмендегилерден ибарат
- арзаны тапсырыўдан алдын таӊлаў ҳаққындағы усы реже менен толық танысыў, усы режеде көрсетилген қағыйдаларға қатаӊ бойсыныў.