«Ибрайым Юсупов избасарлары» ҳәм «Тѳлепберген Қайыпбергенов шығармаларының билимданы» таңлаўын ѳткериў бойынша Қоспа қарары

Мектеп оқыўшылары арасында ѳткерилетуғын «Ибрайым Юсупов избасарлары» ҳәм «Тѳлепберген Қайыпбергенов шығармаларының билимданы»таңлаўын ѳткериў тǝртиби

1. 
   Улыўма қағыйдалар
   

I.1.Бул таӊлаў Хожели районы Халық билимлендириў бөлими, Руўхыйлық ҳәм ағартыў орайы районлық бөлиминиң қоспа қарары менен районымыздағы улыўма билим бериў мектеплериндеги дөретиўшилик қәбилетине қызығыўшы мектеп оқыўшы жаслары арасында өткериледи.
I.2. Таӊлаў қатнасыўшылары ушын таӊлаў шәртлерине толық жуўап беретуғын, биринши басқыш жеӊимпазы болған қатнасыўшыны кейинги басқышқа қатнастырыў Халық билимлендириў бөлиминиӊ район бөлими ҳәм тийкарғы оқыў орны оқытыўшысы жуўапкер екенлиги белгилеп қойылсын.
I.3. Таӊлаўды шөлкемлестириў ҳәм өткериў менен байланыслы ис-илажлар таӊлаў шөлкемлестириўшилер тәрепинен муўапықластырылады.

2. 
   Таӊлаўдыӊ мақсетлери
   

II.1. Таӊлаўдыӊ тийкарғы мақсетлери төмендегилерден ибарат:
Улыўма билим бериў мектеп оқыўшылары арасында И.Юсупов ҳәм Т.Қайыпбергенов шығармаларын кеңнен үгит-нǝсиятлаў, мектеплерге бекитилген, үгит-нәсиятшы, мектеп пән муғәллимлериниң исшеңлигин жетилистириў ҳәм де жаслар арасында китап оқыўды раўажландырып қǝбилетли дѳретиўши китапқумарларды излеп табыў, оларға ҳǝр тǝреплеме ғамхорлық кѳрсетиў.
II.2. Жаслардың дѳретиўшилигин қоллап-қуўатлаў, сѳйлеў мәдениятын жетилистириў, сѳз хорын байытыў, ана тил тазалығын сақлаў, сѳйлеўде ҳǝм жазыўда ана тили имканиятлары ҳǝм мүмкиншиликлеринен кеңнен пайдаланыў кѳнликпелерин қǝлиплестириўден ибарат.
III. Таңлаўды шѳлкемлетириў тәртиби
III.1. Таңлаўдыӊ басқышларын көтеринки руўхта өткериў ушын шөлкемлестириўши комитет қурамы дүзиледи.
III.2. Республика Руўхыйлық ҳәм ағартыў орайы районлық бөлими комитеттиӊ жумысшы органы есапланады.
III.3.Төмендегилер шөлкемлестириўши жумысшы топардыӊ тийкарғы ўазыйпалары есапланады.
- Шөлкемлестириўши комитет танлаўдыӊ төрешилер қурамы ағзаларын қәлиплестиреди ҳәм олардыӊ баслығын тайынлайды.
- Төрешилер қурамына Халық билимлендириў бөлими ҳәм шайыр ҳәм жазыўшылар дөретиўшилик қәбилетинен хабардар тәжирийбели педагог оқытыўшы қәнигелерди бириктиреди;
- Шөлкемлестириўши комитет зәрүрликтен келип шығып, таӊлаў режесин ҳәм оны өткериў тәртибин өзгерислер ҳәм қосымшалар киритиў мүмкин.
- Шөлкемлестириўши комитет таӊлаўды көтеринки руўхта өткериў мақсетинде зәрүр илажларды белгилейди ҳәм әмелге асырады.
III.4. Таӊлаўдыӊ Қарақалпақстан Республикасы басқышына усыныс етилген қатнасыўшылардыӊ анкетасы шөлкемлестириўши комитет тәрепинен белгиленген дәўирлер тийкарында (арзалар тапсырыў мүддети жуўмақланған күннен баслап) көрип шығылады.