Ibragimov nutfillo salimovich destinatsion menejment

3.  Turistik  oqimni  tashrif  buyuruvchilar  nigohidan  yaratish    va 
uni nazorat qilish. 
Turistik sohaning yana bir xususiyati, uning turistik 
faoliyat  olib  boradigan  kichik  va  o`rta  o`lchamdagi  korxonalardan 
tashkil  topganligidadir.  Ular  mustaqil  ravishda    turistik  faoliyat  olib 
borib, daromad olishni birlamchi maqsad qilib olganlar. Bunga o`xshash 
korxonalar  faqat  o`zi  taklif  qilayotgan  xizmatni  bozorda  targ`ib  qiladi. 
Ya`ni,  Buxoroda  joylashgan  mehmonxona  o`zi  haqida  ma`lumot 
beruvchi  internet  veb-saytini  yaratishi  mumkin,  lekin  bu  veb-sayt 
uzoqda yashaydigan potensial tashrif buyuruvchi uchun mavhum bo`lib 
qolaveradi.  Chunki,  tashrif  buyuruvchi  alohida  xizmatlarni  emas,  balki 
umumiy 
mahsulotni, 
o`zining 
turistik 
mahsulotini, 
ya`ni 
“sayohatgoh”ini qidiradi. Demak, faqat alohida korxonalar emas, balki 
korxonalar majmui olib boradigan marketing faoliyati natijasida turistik 
oqimni yaratish va uni samarali nazorat qilish mumkin. Turistik oqimni 
yaratishda  potensial  tashrif  buyuruvchilar  mantig`iga  kirish  ma`qul. 
Ular  “sayohatgoh”  haqida  ma`lumotni  qaysi  vosita  orqali  qidirsa,  shu 
vosita orqali yetkazib berish, turistik bozorlarda muvaffaqiyat qozonish 
demakdir. 
Turistik  oqimni  nazorat  qilish  ham  muhim  ahamiyat  kasb  etadi. 
Shunday sayohatgohlar ham borki, ulardan oqilona foydalanilmaganligi, 
haddan tashqari katta turistik oqimni o`zlariga jalb qilganligi, qolaversa 
mavjud  resurslardan  haddan  tashqari  ko`p  foydalanayotganligi 
natijasida  o`z  jozibadorligini  yo`qotib,  turistik  bozorda  Malayziyadagi 
ba`zi  orollar  yoki  Bali  orollari  kabi  turistik  imijining  salbiy  bo`lishiga 
olib  kelishi  mumkin.  Shunday  ekan,  hududlashtirishning  bu  tamoyili 
sayohatgohning    barqaror  rivojlanishini  ta`minlaydi  va  sayohatgoh 
obro`yiga putur yetkazilishiga yo`l qo`ymaydi.