Ibragimov nutfillo salimovich destinatsion menejment

IV  bosqich.  Sayohatgohlashtirish  tamoyillarini  asoslash.
 
Bizning fikrimizcha, O`zbekistonda sayohatgohlashtirish siyosatini 4 ta 
quyidagi tamoyillar asosida amalga oshirish mumkin: 
1.Turistik  jozibador  joylararo  (maskanlararo)  muvofiqlashtirish.
 
Sayohatgoh bir necha DSJlardan tashkil topganligi sababli ular orasida 
ma`lumot almashishni  ta`minlash  muhim  masala hisoblanadi.  Potensial  

---

 
 
 
66 
iste`molchi  o`z  sayohatgohi  haqida  sayoz  tasavvurga  ega  bo`lishi    I 
bobning  1.2-paragrafida  ifodalangan  sayohatgohlar  ierarxiyasi  va 
“destinatsiya  egri  chizig`i”da  ko`rsatilgan  edi.  Potensial    tashrif 
buyuruvchi  tanlagan  sayohatgohidan  qancha  uzoqda  joylashgan  bo`lsa, 
u  hududni  tashkil qiladigan  DSJlar  haqida  shuncha  kam  axborotga  ega 
bo`ladi.  Shunday  ekan,  sayohatgohlashtirishning  asosiy  tamoyili 
potensial  tashrif  buyuruvchi  tomonidan  tanlagan  sayohatgohi  haqida 
uning  tasavvuriga  mos  hajmda  zaruriy  ma`lumotni  yetkazib  berishdan 
iboratdir.  Chunki,  masalan,  O`zbekiston  turistik  o`lkasini  tanlagan 
tashrif  buyuruvchi  Xiva,  Buxoro,  Samarqand  shaharlari  haqidagi 
alohida  ma`lumot  manbalarini  emas,    balki  bu  shaharlarda  mavjud 
DSJlar  haqida  umumiy  ma`lumot  manbalaridan  foydalanadi.  Demak, 
DSJlararo muvofiqalashtirish tufayli potensial tashrif buyuruvchini real 
turistga aylantirish imkoniyati vujudga keladi. 
DSJlarni 
uyg`unlashtirish 
natijasida 
turistik 
ma`lumotlarni 
tarqatish,  ularni  qayta  ishlash  va    tashfiqot-targ`ibot  qilish  uchun 
sayohatgohda  faoliyat  ko`rsatayotgan  barcha  qatnashuvchilar  bir-biri 
bilan  hamkorlik  qilishi  darkor.  Ya`ni  sayohatgohning  sub`yektlari 
o`rtasida muvofiqlashtirilgan hamkorlik mavjud bo`lishi shart. 
Turistik    soha  murakkabligi  bilan  ajralib  turadi.  Unda  turli  xizmat 
ko`rsatadigan  xilma-xil  xo`jalik  yurituvchi  sub`yektlar  faoliyat  olib 
borib,  tashrif  buyuruvchining  umumiy  ehtiyojini  qondirishda  o`z 
hissalarini  qo`shadilar.  Demak,  turistik  ehtiyojning  qay  darajada 
qondirilganligi,  barcha  soha  namoyandalarining  o`z  vazifalarini 
bekamu-ko`st  bajarayotganligiga  bog`liqdir.  Sayohatgoh  turistik 
mahsulotining  sifatini  oshirish  va  nazorat  qilish  uchun  sohalararo 
muvofiqlashtirishni 
yo`lga 
qo`yishni 
taqozo 
etadi. 
Bunday 
muvofiqlashtirish  bilim  va  resurslarni  yagona  maqsad  sari  safarbar 
qilish imkoniyatini beradi.