I. ЎҚув фанининг долзарблиги ва олий касбий таълимдаги ўрни

I. ЎҚУВ ФАНИНИНГ ДОЛЗАРБЛИГИ ВА ОЛИЙ КАСБИЙ ТАЪЛИМДАГИ ЎРНИ

Ушбу фан меҳнат иқтисодиёти фанининг моҳияти, предмети ва мазмуни, меҳнат жараёнларини ташкил этиш, бозор хўжалиги тизимида меҳнат бозори, меҳнат ресурслари, салоҳияти, аҳолини иш билан бандлигининг шаклланиши, ишсизлик сабаблари, хусусиятлари ва камайтириш йўллари, меҳнат унумдорлиги, унинг омиллари, заҳиралари, иш ҳақини ташкил этиш, уни ислоҳ қилиш ҳамда демографик вазият ва унинг жамият тараққиётидаги роли, аҳолини ижтимоий ҳимоя қилиш тизими ва уларнинг тахлили каби масалаларни қамрайди.

II. ЎҚУВ ФАНИНИНГ МАҚСАДИ ВА ВАЗИФАСИ

“Меҳнат иқтисодиёти” фанининг асосий мақсади - талабаларда иқтисодиётни модернизациялаш шароитида меҳнат жараёнида юзага келадиган ижтимоий-меҳнат муносабатларини такомиллаштириш, унинг назарий ва амалий асослари ва ривожланиш тенденцияларини баҳоланиши ва мониторинги бўйича илмий-назарий билимларини чуқурлаштириш ҳамда мазкур фан бўйича мустаҳкам билим, кўникмаларни шакллантиришдан иборат.
Фаннинг вазифаси – уни ўрганувчиларга меҳнат жараёнларини ташкил этиш, меҳнат салоҳияти, ресурсларнинг моҳияти, мазмуни ва шаклланиш жараёнини кўрсатиб бериш, меҳнат унумдорлиги, уни ошириш омиллари ҳамда заҳираларини аниқлаш, бозор механизми тизимида меҳнат бозорининг моҳияти, аҳамияти, назарий асослари, классификацияси ва сегментациясини ифодалаш, бозор муносабатлари шароитида аҳолини иш билан бандлиги муаммолари ва уларнинг ечимини топиш, ишсизликнинг ижтимоийиқтисодий моҳияти, таркиби, тузилиши ва уларни аниқлаш, ходимлар меҳнатини баҳолаш ва иш ҳақини ташкил этиш тизимини ўрганиш, ижтимоий шерикчиликнинг моҳияти, аҳамияти, асосий мақсади, элементлари, тамойиллари ва ташкил этиш йўлларини ўрганиш, иш ҳақи шакллари ва уни тақсимлаш таҳлили ҳамда меҳнат унумдорлиги ва бошқа иқтисодий кўрсаткичлар таҳлилини ўрганиш, бозор муносабатлари шароитида аҳолини ижтимоий муҳофаза қилишни ташкил этиш йўлларини ўргатишдан иборат. Фан бўйича талабаларнинг тасаввур, билим, кўникма ва малакаларига қуйидаги талаблар қўйилади.