И. Р. Асқаров, Н. Т. Юлчиева, Н. Х. Тўхтабоев Андижон давлат университети

Намуналар таркибидаги макро ва микроэлементларни avio 200 (исп – oэс) оптик эмиссион спектрометрик усулида аниқлаш. Олиб келинган намунасидан таҳлил қилиш мақсадида намунани минераллаш учун яъни тиниқ эритма ҳолига келтириш учун 200 мг миқдорда аналитик тарозида (FA220 4N) тортиб олинади. Намунани минерал ҳолга утказиш учун минераллаш қурилмаси (MILESTONE Ethos Easy,Italiya)дан фойдаланилди. Бунинг учун қурилманинг пробиркасига намуна (200 мг), дистиллаш асосида тозаланган 6 мл нитрат кислота (HNO₃) яъни инфрақизил нур асосида ишлайдиган кислота тозалаш (Distillacid BSB-939-IR) қурилмасида дистилланган кислота ва оксидловчи сифатида 2 мл водород пероксиди (H₂O₂) солинади. 20 мин. давомида 180⁰С да барча аралашма минерал ҳолга келтирилади.
Минераллаш жараёни якунлангач, пробиркадаги аралашма алоҳида конуссимон ўлчов колбага солиниб 25 мл бўлгунча дисстилланган сув (BIOSAN, Латвия) билан суюлтирилади.
Колбадаги эритма Автонамуна олиш бўлимидаги махсус пробиркаларга солиниб анализ олиш учун жойлаштирилади. Тайёрланган намуна анализ учун Avio 200 ИСП – OЭС Индуктив боғланган плазмали Оптик эмиссион спектрометр (Perkin Elmer, АҚШ)да анализ қилинди. Қурилманинг аниқлик даражаси юқори бўлиб, эритма таркибидаги элементларни 10^-9 г аниқликкача ўлчаш имконини беради.
Анализ натижасида олинган маълумотлар қуйидагича:
Амарант ўсимлигини элемент таркиби

№	Элемент	Миқдорий таркиби мг/кг
макроэлементлар
1	Калий, К	120,6
2	Калций, Са	77,84
3	Магний, Мg	37,53
4	Натрий, Nа	0,537
5	Фосфор, P	26,531
6	Олтингургурт, S	0,066
Микроэлементлар
7	Алюминий, Аl	2,79
8	Темир, Fe	3,33
9	Рух,Zn	0,199
10	Мис, Cи	0,084
11	Селен, Se	0,044
12	Молебден,	0,011
13	Бор, B	0,30
14	Марганец, Mn	0,172
Ультирамикроэлемент
15	Барий, Ba	0,093
16	Никель, Ni	0,019
17	Хром,Cr	0,012
18	Литий, Li	0,008
19	Ванадий,V	0,02
20	Коболт, Со	-
21	Кадмий, Cd	0,001
Оғир элементлар
22	Мишяк, As	0.084
23	Қалай, Sn	0,028
24	Қўрғошин, Pb	0,02
25	Симоб, Hg	0,002
26	Сурьма, Sb	0,022

Озиқ-овқат маҳсулотларини озуқавий қийматини белгилашда улар таркибидаги макро ва микроэлементлар миқдори муҳим кўрсаткичлардан бир ҳисобланади. Ушбу, элементлар инсон организмида муҳим биокимёвий жараёнларда иштирок этади.

Каротиноидлар-табиий бўёқлар орасида кенг тарқалган озуқавий бўёқ ҳисобланади.Каротиноидларнинг асосий табиий манбаси бўлиб, сабзи, ошқовоқ, шафтоли, апельсин, булғор қалампир, помидор ва гилос каби маҳсулотлар хизмат қилади. Лютеин, альфа-, бета-каротин, зеаксантин ва ликопинлар кенг қўлланилувчи каротиноидлардир [3. Б.292].

Лютеин

Ликопин

β-каротин



Зеаксантин


Амарант ўсимлиги таркибидаги β-каротиноид миқдорини спектрофотометрик усулда аниқлаш. β-каротиноид миқдори эритмаларнинг оптик зичликлари EMC-30PC (Германия)спектрофотометрида ўлчанди. Ўрганиш оъекти сифатида қуритилган, майдаланган амарант ўсимлиги олинди. Тажрибаларда ГФ XIVда тавсия этилган усулдан фойдаланилди [5]. Бунинг учун қуритилган амарант ўсимлигидан 2 г (аниқ тортма, майдалиги 1 мм катталикдаги)тортиб олиниб 100 мл ҳажмли конуссимон колбага солинади, устига 25 мл гексан (х.ч., ТУ 2631-003-05807999-98) қуйилади. Аралашма хона ҳароратида 90 минут давомида магнитли аралаштиргичда доимий аралаштириб турилади. Ҳосил бўлган эритма филтрланди (А-эритма), филтратдан 1 мл олиб 25 мл ўлчов колбасига ўтказилади, сўнгра ҳажми гексан билан ўлчов белгисигача етказилди (Б эритма). Б эритмадан олиб спектрофотометрда 450 нм тўлқин узунлигида оптик зичлиги аниқланди ва қуйдаги формула бўйича маҳсулот таркибидаги β-каротиннинг миқдори аниқланади.

Бу ерда, D₁-текширилаётган моддани оптик зичлиги;
D₀ -калий бихромат стандарт эритмасини оптик зичлиги;
0,00208-калий бихромат стандарт эритмаси рангига мос келувчи β-каротинни миқдори;
m – маҳсулот массаси, г
W-маҳсулотни намлиги, г.
Хулоса:
1. Амарант ўсимлиги таркибидаги макро ва микро элементларни индуктив боғланган плазмали оптик эмиссион спектрометрда анализ қилинганда ҳаётий муҳим жараёнларда иштирок этувчи 6-макро, 8- микро, 7 ултрамикроэлементлар борлиги аниқланди.
2.Олиб борилган тадқиқотлар натижасида маҳаллий шароитда етиштирилган амарант ўсимлиги таркибидагиβ-каротиноид гексан, 70 ва 96 % ли этил спиртида экстракция қилиниб спектрофотометрия методи ёрдамида миқдори ўрганилганда энг юқори кўрсаткич 96 % этил спиртида кузатилди.
3. Экстракция 96% ли этил спирти билан ўтказилганда хом ашё-экстрагент нисбати 1:5, хом-ашёнинг майдаланганлик даражаси 1 мм, экстракция вақти 90 мин бўлганда оптимал шароит эканлиги аниқланди.
Олинган натижалар асосида маҳаллий шароитда етиштирилаётган амарантнинг “Марҳамат” навидан инсон саломатлигини сақлашда ва касалликлар профилактикасида микро- ва макроэлементлар ҳамда каротиноидларга бой табиий манба сифатида тавсия этиш мумкин. Ушбу ўсимликнинг таркибий қисмлари асосида озиқ-овқат қўшилмалари ишлаб чиқиш ва амалиётга жорий этиш соҳадаги муаммоларни бартараф этишда муҳим омил бўлиб хизмат қилади.