I qism. Vagonlari elektr uskunalarining qisqacha tavsifi

Vagonlarni yoritish

Vagonlarni yoritish maqsadida cho‘g‘lanish lampalari bilan birga lyuminessent lampalar ham qo‘llanadi. Cho‘g‘lanish lampalariga nisbatan lyuminessent lampalarni qo‘llash vagon xonalarining yaxshiroq yoritilishini ta’minlab, chunki lyuminessent lampalar ko‘proq yorug‘lik berishi bilan ta’riflanadilar.

Lyuminessent lampalar ba’zi yuqori komfortli vagonlarning deyarli har yerida qo‘llanib, bu Sankt-Peterburgning Egorov nomli vagonsozlik zavodida ishlab chiqarilgan 23SV yumshoq vagoni bunga misol bo‘la oladi.

Ana shu tipdagi vagonlarda stol usti yoritish asboblari va sofitlar yoritgichlari maxsus lyuminessent lampalar bilan jihozlangan.

Ekspluatatsiya tajribasi yo‘lovchi tashiydigan vagonlarning eng ratsional yoritilish sxemasini belgilab olish imkonini berdi. Xizmat va yo‘lovchilar xonalarini (kupe, salon, bo‘lmalar) yoritish uchun lyuminessent yoritish usuli qo‘llansa, vagonning qolgan xonalari (tamburlar, hojatxonalar, yo‘laklar, qozonxonalar va h.k.) cho‘g‘lanish lampalari yordamida yoritiladi.

Cho‘g‘lanish lampalari ham doimiy, ham o‘zgaruvchan tokda birday yaxshi ishlaydi. Lyuminessent lampalar yuqori chastotali o‘zgaruvchan tok bilan ta’minlanganida ishonchliroq va tejamkorroq ishlaydilar. Ana shu tufayli ular o‘zgartirgichlardan ta’minot oladilar. Bunda elektr mashinali o‘zgartirgichlar ko‘proq qo‘llanadi. Polshada ishlab chiqarilgan 908A va 909A tipidagi vagonlarning yoritgichlari ichiga statik tranzistorli o‘zgartirgichlar o‘rnatilgan. 1976 yildan boshlab 912 tipidagi vagonlarda shuningdek elektr mashina o‘zgartirgichlarini qo‘llash ko‘zda tutilgan.

Vagon xonalarining asosiy yoritish moslamalari bilan birga cho‘g‘lanish lampalari bilan favqulodda yoritish tizimi ham qo‘llanib, ular asosiy yoritish tizimi lampalari bilan bir xil yoritgichlar ichida joylashadilar. Asosiy yoritish qurilmalari ishdan chiqqanida favqulodda (avariyaviy) yoritgichlar yoqiladi.

Vagonlarda komfortlilik darajasini oshirish maqsadida tungi yoritish tizimi ham ko‘zda tutilgan.