I psixodiagnostika ha’m eksperemental psixologiya pa’nine kirisiw joba

Tayanish tu’sinikler:

1. 
   Validlik atamasi Evropa tillerinen aling’an bolip ol to’mendegi ma’nini an’latadi:”jaramli” “mas” “sa’ykes”.Psixodiagnostikaliq metodikanin’ validlik sipatindag’i ta’riypi onin’ u’yrenilip atirg’an psixologiyaliq o’zgesheliklerge mo’lsherlengenligi ha’m bul psixologiyaliq o’zgeshelikti bahalawg’a maslig’i ha’mde jaramlilig’in ko’rsetip beredi.
   
2. 
   Teoriyaliq validlik-qollanilg’an metodika ja’rdeminde aling’an ko’rsetkishlerdi, basqa metodik qurallardan aling’an ko’rsetkishler menen yag’niy ko’rsetkishler arasinda teoriyaliq tiykarlang’an baylanisliliq barlig’in ha’m ta’jriybe qilinip atirg’an sipat ko’rsetkishleri maslig’i menen aniqlanadi.
   
3. 
   Emperikaliq validlik- sinaliwshinin’ reaktsiyasi ha’m is-ha’reketlerin baqlaw arqali,onin’ haqqaniy hulqindag’i diagnostikaliq ko’rsetkishlerdin’ bir-birine maslig’i menen tekseriledi.
   
4. 
   Ishki validlik-metodikadag’i tapsirmalar,subtestler, pikirlerdin’ uliwma maqsetke maslig’in an’latadi.
   
5. 
   Sirtqi validlik da tap emperik validlikke uqsas,onnan pariqli ta’repi sonda,sinaliwshinin’ hulqina baylanisli tiykarg’i sirtqi ko’rinislerinin’ ko’rsetkishleri menen metodikadag’i ko’rsetkishlerdin’ o’z ara baylanislilig’ina itibar qaratiladi.
   
6. 
   Metodikanin’ isenimliligi- metodika ja’rdeminde turaqli, qatan’ ko’rsetkishlerdi aliw imkaniyatlari menen ta’riyplenedi.
   
7. 
   Reprezentativlik(frans.representatif-u’lgili) tan’lanba toplam bas toplam o’zgesheliklerin sa’wlelentiredi degen ma’nini an’latadi.