Yakuniynazoratda “Yozma ish”larni baholash MEZONI Yakuniy nazorat “Yozma ish” shaklida amalga oshirilganda, sinov ko’p variantli usulda o’tkaziladi. Har bir variant 3 ta savol iborat. Nazariy savollar fan bo’yicha tayanch so’z va iboralar asosida tuzilgan bo’lib, fanning barcha mavzularini o’z ichiga qamrab olgan. Yakuniy baholash yozma ish shaklida o’tkazilib, undan 3 ta savolga javob berishi so’raladi. Har bir savol “5” baholi tizimda baholanib o’rtacha baho hisobga olinadi.
Har bir nazariy savolga yozilgan javoblar bo’yicha o’zlashtirish ko’rsatkichi 0-5 baho oralig’ida baholanadi.Berilgan har bir savolga talaba tomonidan fanning nazariy va uslubiy asoslari to’g’ri va to’liq yoritilsa, fan doirasida mustaqil fikrga ega bo’lsa va uni yozma shaklda bayon eta olsa, javobda mantiqiy yaxlitlikka erishilsa, o’zlashtirish umumiy ko’rsatkichi 3-5 baho bilan baholanadi.
Berilgan har bir savolga javob yozilmasa, noto’g’ri javob yozilsa yoki o’quv adabiyotidan so’zma-so’z ko’chirib yozilsa, amaliy topshiriq shartida belgilangan amallar bajarilmasa, iqtisodiy hodisa va jarayonlarga ta’sir etuvchi omillar aniqlanmasa, xulosa yozilmasa ,o’zlashtirish ko’rsatkichi 0-1baho bilan baholanadi.
Yakuniy nazoratni “Test topshiriqlari” asosida o’tkazish M E Z O N I Agar yakuniy nazorat “Test topshiriqlari” asosida amalga oshirilsa, sinov ko’p variantli usulda kompyuter sinflarida o’tkaziladi. Har bir variantda 30 tadan test topshirig’i bo’lib, talabaga savollarning javobini belgilash uchun 30 daqiqa vaqt beriladi. Har bir test topshirig’iga talaba tomonidan berilgan javoblar 1 ball bilan baholanadi.
Yakuniy nazorattest tarzda o’tkazilib, 30 ta savolga javob berish so’raladi:
27-30 -“5”(a`lo): 21-26- “4”(yaxshi): 18-20- “3”(qoniqarli): 17 va undan kam bo’lsa “2”(qoniqarsiz)
Oliy ta’lim muassasasida nazorat turlarini o’tkazilishi tegishli oliy ta’lim muassasasining ta’lim sifatini nazorat qilish bo’limi tomonidan doimiy ravishda o’rganib boriladi. Bunda nazorat turlarini o’tkazilish tartibi buzilganligi aniqlangan hollarda, o’tkazilgan nazorat turlarining natijalari bekor qilinishi hamda tegishli nazorat turi qaytadan o’tkazilishi mumkin.Talaba tegishli fan bo’yicha yakuniy nazorat turi o’tkaziladigan muddatga qadar oraliq nazorat turini topshirgan bo’lishlari shart.
Oraliq nazorat turini topshirmagan, shuningdek ushbu nazorat turi bo’yicha "2" (qoniqarsiz) baho bilan baholangan talaba yakuniy nazorat turiga kiritilmaydi.Yakuniy nazorat turiga kirmagan yoki kiritilmagan, shuningdek ushbu nazorat turi bo`yicha "2" (konikarsiz) baho bilan baholangan talaba akademik qarzdor hisoblanadi.
Talaba uzrli sabablarga ko’ra oraliq va (yoki) yakuniy nazorat turiga kirmagan taqdirda ushbu talabaga tegishli nazorat turini qayta topshirishga fakultet dekanining farmoyishi asosida ruhsat beriladi.
Bir kunda 1 tadan ortiq fan bo’yicha yakuniy nazorat turi o’tkazilishiga yo’l qo’yilmaydi. Yakuniy nazorat turlarini o’tkazish kamida 2 kun oralig’ida belgilanishi lozim.
Talabaga oraliq va (yoki) yakuniy nazorat turini qayta topshirish uchun berilgan muddat davomida talaba tomonidan qayta topshirishlar soni 2 martadan ko’p bo’lmasligi kerak. Talaba oraliq va (yoki) yakuniy nazorat turini birinchi marta qayta topshirishdan o’ta olmagan taqdirda, fakultet dekani tomonidan komissiya tuziladi. Komissiya tarkibi tegishli fan bo’yicha professor-o’qituvchi va soha mutaxassislari orasidan shakllantiriladi.
Ikkinchi marta oraliq va (yoki) yakuniy nazorat turini o’tkazish va talabani baholash mazkur komissiya tomonidan amalga oshiriladi.
Berilgan muddat davomida mavjud bo`lgan qarzdorlikni topshira olmagan talaba bo`yicha fakultet dekani bildirgi bilan oliy ta’lim muassasasi rektorini (boshligini, filial direktorini) xabardor qiladi va ushbu talaba rektor (boshliq, filial direktori) bo`yrug`i asosida kursdan qoldiriladi. Baholash natijasidan norozi bo`lgan talabalar fakultet dekani tomonidan tashkil etiladigan Apellyatsiya komissiyasiga apellyatsiya berish huquqiga ega.
