I-мodul bo‘yicha amaliy mashg‘ulotlari mavzulari

O‘rganish obyektlari:
To‘g‘rilangan 
va 
to‘g‘nag‘ichlarga qadalgan 
kapalaklarning muhim oilalari: oq qanotli kapalaklar, karam kapalagi, yelkanlar, 
ipakkashlar, tovus ko‘zlilar, pillakashlar, arvoh kapalaklari, odimchilar, tunlamlar, 
to‘lqin qanotlilar, parvona kapalaklari, asl kuyalar, sertuk kuyalar va boshqalarning 
kolleksiyalari, fotoslaydlari hamda jadvallari. 
 
 
Ishni bajarish tartibi:
1. Kapalaklar turkumining qisqacha xarakterli belgilari bilan tanishasiz va 
kolleksiyalardagi namunalarning tuzilishini ko‘zdan kechirgach, quyidagi aniqlovchi 

---

361 
jadvalga solishtirib, asosiy kenja turkumlari, bosh oilalari va oilalarini aniqlab 
chiqing.
 
Kapalaklarning muhim oilalarini aniqlash jadvali:
1(4).
Orqa qanotlarining kattaligi, shakli va tomirlanishi, radial tomirlari 
oldingi qanotlarnikiga o‘xshash, radial-kubital katakchasida 8-10 tomir joylashadi.
 
2(3).
Og‘iz
organlari kemiruvchi tipda, yuqori jag‘lari qisqa, ikki yaproqli, 
pastki jag‘i uzun, 5 bo‘g‘imli, paypaslagichlari deyarli rivojlangan. Oldingi 
qanotlarining uzunligi 10 mm dan kam, qanotlarida medial katakchasi yo‘q, 
boldirlarida pixlari bor.
Jag‘lilar 
- 
 
Laciniata
 kenja turkumi. 
Tishchali kuyalar 
- Micropterygidae
 oilasi.
3(2).
Og‘iz
organlari so‘ruvchi tipda yoki rivojlanmagan. Yuqori jag‘lari yo‘q 
yoki rudiment holatda. Pastki jag‘lari paypaslagichli, lekin ichki parrakchasiz, tashqi 
parrakchasi xartumchani hosil qiladi. Oldingi qanotlarining uzunligi 10 mm dan ortiq. 
Qanotlarida medial katakchasi bor. Boldirlarida pixlari yo‘q.