I-мавзу: Кириш Режа: I ўзбекистон тарихи фанининг предмети, уни ўрганишнинг назарий

---

I-мавзу: Кириш 
Режа: 
I.1. Ўзбекистон тарихи фанининг предмети, уни ўрганишнинг назарий-
методологик асослари, манбалари 
 I.1.1.Ўзбекистон тарихи фанининг предмети, тадқиқот объекти, назарий 
методологик тамойиллари, манбалари 
I.1.2. Ибтидоий жамият, унинг даврлари. “Авесто” нинг инсон маънавий 
ҳаётини шакллантиришдаги ўрни
I.2.Қадимги, антик ва илк ўрта асрлар тарихи 
I.2.1. Ўзбек давлатчилигининг шаклланиши ва дастлабки тараққиёт 
босқичлари 
I.2.2. Илк ўрта асрларда ўзбек давлатчилиги: ижтимоий-сиёсий, 
иқтисодий, маданий ҳаёт 
 
I.1. Ўзбекистон тарихи фанининг предмети, уни ўрганишнинг назарий-
методологик асослари, манбалари 
 I.1.1.Ўзбекистон тарихи фанининг предмети, тадқиқот объекти, назарий 
методологик тамойиллари, манбалари 
Тарих фани ижтимоий тараққиѐт ва ўтмишга оид ҳар хил воқеа-
ҳодисаларнинг изчил ривожланиши, уларнинг қачон, қаерда, қандай ҳолатда 
юз берганлиги, инсониятнинг пайдо бўлиши ва унинг тадрижий-эволюцион 
ривожланиш жараѐни ва бошқаларни ўрганади. Шунингдек, Ўзбекистон 
тарихи умумжаҳон-инсоният тарихининг ажралмас қисми ҳисобланиб, у 
оламшумул воқеликларга жуда бой. Ўзбекистон тарихи фани мана шу 
воқеликларни бошидан кечирган қадим ва яқин аждодларимизнинг ҳаѐти 
қандай бўлганлиги, жаҳон тарихи тараққиѐтига қўшган ҳиссаларини 
холисона ва ҳаққоний ўрганади. 
Тарихий ҳақиқат тўла рўѐбга чиқиши, ҳаққоний тарих ѐзилишида тарих 
фанининг предмети ва объектини тўғри белгиланиши ўта муҳим аҳамиятга 
эга. Чунки Ўзбекистон тарихи фани учун ҳам бошқа барча фанлар қатори 
предмет ва объект масаласи асосий масала бўлиб ҳисобланади. Зеро, фан 

---

унинг ўрганиш предмети ва объекти аниқ бўлмаса, унинг олдидаги вазифа 
ноаниқ бўлиб, мақсадга эришиш мушкул бўлади. 
Ўзбекистон тарихи фани, Ўзбекистоннинг ўтмишидаги ва ҳозирги 
ҳудудида энг қадимги даврлардан то ҳозиргача кечган воқеликлар, инсоният 
ҳаѐти, табиат ва жамият тараққиѐти ва таназзулини таҳлил қилади. Унинг