И. М. Абдуллаева, Д. T. Азимов. “Ахборот тизимлари

Қисқа хулосалар 
Ташкилотни бошқариш жараѐни мураккаб ва кўп босқичли ҳисобланади. 
Бу жараѐннинг барча босқичларида керакли шаклдаги, ишончли ва долзарб 
ахборот зарур. Бунинг учун ташкилотдаги ахборотнинг тўсиб қолиниши ва 
керагидан кўп бўлишини олдини олиш лозим. Ўз навбатида буни амалга 
ошириш учун кучли ва мослашувчан инфратузилмали ахборот технология 
зарур бўлади. 
Янги ахборот тизимини татбиқ этиш жараѐнлари турли йўллар билан 
амалга оширилади: параллель, пилот, бирдан. 
Биринчи вариантда янги тизимни татбиқ этишда эски тизим билан бирга 
фойдаланиш таклиф этилади. Бу ҳолат татбиқ этиш муаммолари ҳал этилгандан 
сўнг тўхтатилади. Бу вариант қўшимча маблағ ва вақт талаб этади. Аммо янги 
тизим фаолияти пайдо қиладиган хатолар билан боғлиқ таваккалчиликларни 
камайтиради. 
Иккинчи вариант янги тизимни ташкилотнинг маълум бир бўлим ѐки 
филялига қўлланилишини таклиф этади. Кейинчалик тизим бутун ташкилотга 
тарқалади. Бу ҳам таваккалчиликни камайтиради, аммо бўлимни танлашда 
синчиклаб танлаш керак. 
Сўнги учинчи вариантда эски тизимни тубдан янгисига ўзгартириш 
таклиф этилади. Бу вариантда татбиқ этишдан аввал барча зарур ишларни 
синчиклаб режалаштириш ва ходимларни тайѐрлаш керак бўлади. 

---

128 
Интеграллашган бошқарув ахборот тизимларини (ИБАТ) ишлаб чиқиш ва 
татбиқ этиш уч босқичга бўлинади: Компанияни ўрганиш; Лойиҳалаштириш; 
Ҳаракатга келтириш. 
 
Асосий тушунча ва атамалар 
Ахборот технология инфратузилмаси техник воситалар, дастурий 
таъминот ва телекоммуникация воситалари ҳисобланади. Бу инфратузилма 
турли шаклларда бўлиши мумкин. Техник воситалар, дастурий таъминот ва 
телекоммуникация воситаларининг ўзаро Ҳаракати ахборот технология 
архитектураси деб номланади. Ахборот технологиялар архитектураси 
менежмент стратегияли ва ахборот тизимлари ўртасидаги кўприкдир. Шунинг 
учун ахборот тизими лойиҳасини тузувчи, қарор қабул қилишга имкон берувчи 
ахбортни йиғиш, қайта ишлаш, узатиш ва тақдим этиш каби масалаларни ўйлаб 
кўриши керак. Ахборот тизими менежерларни нафақат ахборот билан, балки 
ундаги тўсқинликларни вужудга келмаслиги билан ҳам таъминлаши зарур. 
Интеграллашган бошқарув ахборот тизимларини (ИБАТ) ишлаб чиқиш ва 
татбиқ этиш уч босқичга бўлинади: 
1. Компанияни ўрганиш. 
2. Лойиҳалаштириш. 
3. Ҳаракатга келтириш.