I қисм. Машинасозлик технологияси асослари I боб. Машиналарни ишлаб чиқариш

Кесувчи асбобларнинг ноаниқ тайёрланганлиги ва ейилиши туфайли келиб чиқадиган хатоликлар. Кесувчи асбобларнинг ноаниқлиги (айниқса, развертка, зенкер, сидиргич, пазни фрезалайдиган бармоқли фреза ва шаклдор асбоблар) кўп ҳолларда бевосита ишлов берилаётган заготовкага ўтади. Махсус асбобсозлик корхоналарида ёки асбобсозлик цехларида тайёрланган кесувчи асбобларнинг аниқлиги юқори даражада бўлганлиги сабабли тайёрланаётган деталларнинг аниқлигига кам таъсир этади. Лекин кесувчи асбобнинг ейилишига боғлиқ хатоликлар ишлов бериш аниқлигига катта таъсир қилади. Деталларнинг ўлчамларини автоматик равишда олиш усули билан механик ишлов беришда кесувчи асбобларнинг ейилиши ўзгарувчан систематик хатоликларга олиб келади.
З

2.2-расм. Кесувчи асбобнинг ейилиши Е нинг кесиш йыли узунлигига бо\ли=лиги
аготовкага тоза ишлов беришда кескичнинг орқа сирти ейилади, натижада кескич чўққиси заготовканинг айланиш марказидан радиал ейилиш ўлчамига тенг масофага узоқлашади ва йўниш радиуси катталашади (ёки тешик учун йўниб кенгайтириш радиуси камаяди).
Сирпанишдаги ишқаланишда ейилишнинг умумий қонунларига асосан асбоб ишлашининг бошланғич даврида (бошланғич ейилиш даври деб аталади) жуда интенсив ейилади (2.2-расм, I қисм).
Ейилишнинг бошланғич даврида кесувчи асбоб тиғининг айрим нотекисликлари майдаланади ва кесувчи қирраларидаги чархлашдан қолган чизиқлар текисланади.
Бошланғич ейилиш Е_Б ва унинг давомийлиги (яъни, асбобнинг ишқаланишга мослашиш давомийлиги) кесувчи асбоб ва заготовканинг материалига, чархлашнинг сифатига ва кесиш режимларига боғлиқ.
Одатда, бошланғич ейилишнинг давомийлиги, яъни кесиш йўлининг узунлиги L_Б қ 500-2000 м чегарада бўлади (биринчи сон корхонада янги ишлаб чиқарилган яхши сифатли асбобга, иккинчиси эса - фақат чархланган асбобга тўғри келади).
Иккинчи ейилиш даври (2.2-расм, II қисм) асбобнинг нормал ейилиши билан тавсифланади ва кесиш йўлига тўғри пропорцияда бўлади. Бу даврдаги ейилишнинг интенсивлиги (тезлиги) нисбий (солиштирма) ейилиш Е₀ (мкм/км) билан ўлчанади ва уни қуйидаги формула билан аниқланади: