I chorak Dars mavzusi: (1 dars ) Mening Vatanim Darsning maqsadi: Ta’limiy maqsadi

Dars jihozi: darslik, mavzuga oid rasmlar.
Dars rejasi
Tashkiliy qism - 2 daqiqa
O’tgan mavzuni so’rash - 8 daqiqa
Yangi mavzu bayoni - 15 daqiqa
Yangi mavzuni mustahkamlash - 15 daqiqa
Darsni yakunlash va baholash - 3 daqiqa
Uyga vazifa - 2 daqiqa
DARSNING BORISHI:
I. Tashkiliy qism. ( 2 daqiqa)
O’qituvchining o’quvchilar bilan salomlashishi, o’quv xonasining tozaligini, o’quvchilarning darsga tayyorgarligini (o’quv qurollari, tashqi ko’rinishi) ko’zdan kechirish, davomatni tekshirish.
II.O’tgan mavzuni so’rash. (8 daqiqa)
O’tgan darslar yuzasidan o’quvchilar bilimini savol-javob asosida aniqlash, uy vazifasini so’rash. Mavzu yuzasida savol-javoblarni bajarish (34-bet)
III.Yangi mavzu bayoni (15 daqiqa)
1.Nutqiy mavzu:
Tursunboy Adashboyev 1939 yil 1 yanvarda Qirg’iziston Respublikasining O’sh viloyati, Olabuqa tumanidagi Safed Bulon qishlog’ida tug’ilgan. Qishloqdagi 57-o’rta maktabni tugatgach, Toshkent Davlat universitetining jurnalistika fakultetida (1961-1966), Moskvadagi M. Gorkiy nomidagi Adabiyot universitetida (1979-1982) tahsil oldi. Uning “Buni toping, bolalar, aytib bermang, onalar” nomli birinchi she’riy to’plami 1962 yilda chop etildi. T. Adashboyev o’zbek bolalar adabiyotini rivojlantirishga katta hissa qo’shgani uchun 2001 yilda “Do’stlik” ordeni bilan taqdirlanadi. Matn mazmuni asosida savollar tuzib, o’zaro suhbatlashadilar, “Zanjir” usuli orqali mavzu bilan tanishadilar.
2.Grammatik mavzu:
-lar ko’plik qo’shimchasi so’zlarga egalik qo’shimchasidan keyin qo’shilsa, hurmat ma’nosini ifodalaydi. Masalan: Anvar amakimlar yaxshi ustozlar. Dadanglar qayerda? Payt ma’nosini bildiruvchi so’zlarga qo’shilganda esa chama, taxmin ma’nosini ifodalaydi. Masalan: Soat uchlarda kelaman. Kechqurunlari havo salqin.
IV. Yangi mavzuni mastahkamlash. (15 daqiqa) Mavzuga doir “Klaster” usulini qo’llash.
1. Suhbat matni bilan ishlash. (o’qish, savollar tuzish, so’zlash)
2. 4-mashq (og’zaki)
3. 5-mashq (yozma)
4. 6-mashq (og’zaki)