I bo’lim 1 ma’ruza. Kirish. Hayot faоliyati хavfsizligini ta’minlash asоslari. Reja

5.Qiyin yonuvchan moddalar deb qanday moddalarga aytiladi?
6.Yonuvchan moddalar deb qanday moddalarga aytiladi?
7.Moddalarning yonish va portlash xavflilik xususiyatlari ko’rsatkichlarini sanab bering?
8.Yengil alangalanuvchi suyuqliklarga qanday suyuqliklar kiradi?
9.Alangalanish harorati deb nimaga aytiladi?
10.Chaqnash harorati deb nimaga aytiladi?
11.Neft va neft mahsulotlari omborini loyihalashda qo’yiladigan yong’in xavfsizligi talabalari qaysi me’yoriy hujjatda keltirilgan?
12.Kimyoviy moddalar omboriga nisbatan qanday talablar qo’yiladi?
13.Yengil alangalanuvchi va yonuvchi suyuqliklar omborlarining yong’in xavfsizligini ta’minlashda nimalarga e’tibor qaratish zarur?
14.Gaz ballonlarini saqlashda va ishlatishda yong’in xavfsizligi talablari nimalardan iborat?
15.Gazlarni gaz golderlarda saqlashda yong’in xavfsizligi talablari nimalardan iborat?


14-MA’RUZA


YONG’IN ХAVFSIZLIGINI TA’MINLASHNING TASHKILIY ASОSLARI. YONG’INLARDA ОDAMLAR VA MОDDIY BОYLIKLARNING ХAVFSIZLIGINI TA’MINLASH.
Reja:
1. Yong’in xavfsizligini ta’minlashning tashkiliy asoslari.
2. Muxandis-texnik xodimlar, ishchi va xizmatchilarni yong’in xavfsizligi chora-tadbirlarini qo’llashga o’rgatish.
3. Yong’in vaqtida odamlarni va moddiy boyliklarni evakuatsiya qilishning tashkil etishni o’ziga xos xususiyatlari.
1. Yong’in xavfsizligini ta’minlashning tashkiliy asoslari.
O’zbekiston Respublikasi “Yong’in xavfsizligi to’g’risida”gi Qonunining 12-moddasiga muvofiq, korxona va tashkilotlarning yong’in xavfsizligini ta’minlash, mazkur tashkilotlarning rahbarlari zimmasiga yuklatilganligi belgilab qo’yilgan.
Mansabdor shaxslarning yong’in xavfsizligini ta’minlashdagi huquqlari:
Korxona va tashkilotlar rahbarlari yong’indan saqlash xizmati bo’linmalarini belgilangan tartibda tashkilot va korxonalarning mablag’lari hisobidan tashkil etish, qayta tashkil etish va tugatish huquqiga ega. Ular tegishli organlarga yong’in xavfsizligini ta’minlash bo’yicha takliflar kiritish, belgilangan tartibda yong’in- texnik komissiyalarini tashkil etish, o’z hududida sodir bo’lgan yong’inlarning kelib chiqish va kuchayish (tarqalish) sabablari hamda sharoitlarini aniqlashga doir vazifalarni bajaradilar. Shuningdek yong’in xavfsizligini ta’minlashni ijtimoiy va iqtisodiy jihatdan rag’batlantirish chora-tadbirlarini belgilaydilar, belgilangan tartibda yong’in xavfsizligi masalalari bo’yicha axborot olish, shu jumladan yong’indan saqlash xizmatining boshqaruv organlari va bo’linmalaridan axborot olish huquqiga egalar.