I боб. ЎЗбекистон республикасида қурилиш объектлари қийматини шартномавий-жорий нархда шакллантиришнинг назарий ва услубий

Капитал қурилишда шартномавий-жорий нархларни шакллантириш амалиётини такомиллаштириш


МУНДАРИЖА
Кириш..................................................................................................................... I БОБ. ЎЗБЕКИСТОН РЕСПУБЛИКАСИДА ҚУРИЛИШ ОБЪЕКТЛАРИ ҚИЙМАТИНИ ШАРТНОМАВИЙ-ЖОРИЙ НАРХДА ШАКЛЛАНТИРИШНИНГ НАЗАРИЙ ВА УСЛУБИЙ АСОСЛАРИ.....

1. 
   Ўзбекистон Республикасида капитал қурилиш соҳасида амалдаги иқтисодий ислоҳотлар ва турар-жойлар қурилишини ривожлантиришнинг устувор йўналишлари .......................................................................................
   
2. 
   Қурилиш объекти қийматини шартномавий-жорий нархда ҳисоблашнинг услубий асослари.......................................................................
   
3. 
   Объект қурилишига сарфланадиган ресурслар қийматини ҳисоблашнинг назарий ва услубий асослари
   

II БОБ. КАПИТАЛ ҚУРИЛИШДА ШАРТНОМАВИЙ- ЖОРИЙ НАРХЛАРНИ ШАКЛЛАНТИРИШ
КЎРСАТКИЧЛАРИ ТАҲЛИЛИ (Тошкент шаҳар, Сирғали туманида қурилаётган тураржой бинолари мисолида).

1. 
   Тураржой биноси қурилишининг ресурс сметаси ва шартномавий- жорий нархларни шакллантириш кўрсаткичлари таҳлили.........................
   
2. 
   Тураржой биноси қурилишда шартномавий-жорий нархларни қўлланиш амалиёти ва ресурслар қиймати таҳлили .................................
   
3. 
   Қурилиш объектининг смета қиймати таркибидаги қурилиш материаллари харажатлари таҳлили............................................................
   

Хулоса....................................................................................................................


Фойдаланилган адабиётлар рўйхати..............................................................

Кириш

Мавзунинг долзарблиги. Республикамизнинг ижтимоий- иқтисодиёти ривожланиш суратларини жадаллаштириш борасида сўнги йилларда мисли кўринмаган ишлар амалга оширилмоқда. Шу сабабли иқтисодиёт тармоқларига киритилаётган инвестициялар хажми йилдан- йилга ошиб, иқтисодиётнинг барча соҳа ва тармоқларида бунёдкорлик ишлари жадал олиб борилмоқда. Бугунги кунда юртимизда ўзлаштирилаётган инвестицияларнинг 70 фоиздан ортиғи капитал қурилиш ишларини амалга ошириш орқали ўзлаштирилаётганини инобатга оладиган бўлсак иқтисодиётда капитал қурилиш соҳасининг роли ва аҳамияти қанчалик муҳимлигини кўрамиз.
Республикамизда ижтимоий-иқтисодий соҳага кириб келаётган инвестицияларни ўзлаштиришга қаратилган вaзифaлaрнинг aмaлгa oширилишидa қурилиш соҳасида базор тамоилларига асосланган иқтисодий муносабатларни янада ривожлантириш ва қурилиш ишлари қийматини шартномавий-жорий нархларда шакллантиришнинг амалиётини такомиллаштириш нақадар муҳимлигини англаб етилади.
Мамлакатимиз иқтисoдиётни комплекс ривожлантириш жараёнлари бевосита қурилиш ишларини амалга оширишга боғлиқлиги сабабли бу соҳадаги иқтисодий ислоҳотлар ҳукуматимиз диққат марказида бўлиб келмоқда. Буни мамлакатимизнинг барқарор ривожланиш бўйича асосий кўрсаткичларни таҳлил қилар эканмиз, ҳозирги кунда иқтисодий ислоҳотларни амалга ошириш бўйича принципиал муҳим чораларни кўриш бўйича қатъий қадамлар қўйилди, дейиш мумкин.
Муҳтарам Президентимиз Ш.М.Мирзиёев раҳбарликларида қабул қилинган “2017-2021 йилларда Ўзбекистонни янада ривожлантириш бўйича Ҳаракат стратегияси”ни ва унда 2017 йил учун мўлжалланган иқтисодий ва ижтимоий дастурнинг энг муҳим устувор вазифаларини кўришимиз мумкин. Айнан ана шу энг муҳим вазифалар иқтисодий
ислоҳотларни чуқурлаштиришнинг асосий йўналишлари ва устувор вазифаларига жиддий ўзгартиришлар киритиш учун асос бўлади.
Бугунги кунда республикамиз қурилиш тармоғи олдида турган асосий муаммолар ва камчаликлар тўғрисида Президентимиз Ш.М.Мирзиёев мамлакатимизни 2016 йилда ижтимоий-иқтисодий ривожлантиришнинг асосий якунлари ва 2017 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг мажлисидаги маърузаларида республикамизда “Ўтган йили инспекциялар томонидан пудрат ишлари ҳажми 4 миллиард 700 миллион сўмга камайтирилган. 24 мингта лойиҳа экспертизадан ўтказилганида уларнинг нархи 1 триллион 500 миллиард сўмга камайтирилган” деган сўзлари қурилишда шартномавий-жорий нархларни шакллантириш амалиёти ва методологик асосларини такомиллаштириш ишлари нақадар муҳимлигини кўрсатади. [Ш.М.Мирзиёев, 2017й].
Бугунги кунда қурилиш соҳасида ўз ечимини кутаётган муаммолардан бири бу қурилишда баҳони шакллантиришнинг методологик асосларини такомиллаштириш, қурилиш объектининг шартномавий жорий нархлардаги қийматини шакллантириш имконини берувчи методологик асосларни ишлаб чиқиш талаб этилади.