I bob. XX asr boshida Turkistonning ijtimoiy-iqtisodiy rivojlanishi

Mavzu:Turkiston iqtisodiyotida Rossiya kapitaling kirib kelishi va monopolistik movqeyining kuchayib borishi

REJA

KIRISH

I BOB. XX asr boshida Turkistonning ijtimoiy-iqtisodiy rivojlanishi

1.1. O`lkada iqtisodiyot va savdo sotiqning rivojlanishi

1.2. Turkistonda Rossiya banklari tarmog`ining ochilishi

II BOB.Turkiston iqtisodiyotida rus moliya kapitalining monopolistik mavqei

2.1 Turkiston iqtisodiyotida Rossiya kapitaling kirib kelishi

2.2. Turkison o‘lkasining xom ashyo manbaiga aylantirilishi.
2.3 Birinchi jahon urushi yillarida Turkiston o‘lkasidagi iqtisodiy hayot.

XULOSA

FOYDALANILGAN ADABIYOTLAR RO’YXATI

INTERNET MANZILLAR

KIRISH

XX asr boshida Turkistonda Rossiya banklari va ularning filiallari ta’sis etildi. Bu davrda Rossiya banklarining faoliyati chet el banklari faoliyati bilan chambarchas bog`liqlikda olib borila boshlagan va ular birgalikda sa’y-harakat qilib, o`z daromadlarini oshirib bormoqda edilar. Bu ishlarni amalga oshirishda davlat banki va Rus-Osiyo banki bo`limlari juda katta rol o`ynadi. General-gubernatorlikning paxta ekiladigan barcha tumanlarida bu banklarning bo`limlari ochildi. Ular paxta tolasini sotib olishardi, kredit berishar edi, paxta tozalash firmalari va neft korxonalarining egalari hisoblanishardi, temiryo’1 qurishardi va h.k. XX asr boshlarida Turkistonda Rossiya imperiyasi moliyaviy hukmronligini ta’minlash maqsadida quyidagi moliya-kredit muassasalari, jumladan, davlat banki bo‘limi, omonat kassalari, aksionerlik-tijorat banklari bo‘limlari, mayda kredit jamiyatlari faoliyat olib borgan.
Rossiya bank kapitalining Turkistonga kirib kelishi sanoat rivojlanishi, temiryo’1 qurilishi, savdo-sotiqning rivojlanishi jadallashuviga xizmat qildi. Biroq Rossiya banklari bo`limlari sudxo`rga aylanib qoldi. Ular qarz foizlarini muttasil oshirishar, natijada dehqonlar qarzni to`lash uchun yerini, molini, mehnat qurollarini sotib, tirikchilik qilish uchun shaharga jo`nashga majbur bo`lardi. Chunonchi, 1912yilda aholining kreditlar bo`yicha qarzi 200 mln so`mga yaqin bo`ldi, Toshkent va Andijon viloyatlarida yersiz dehqonlar soni barcha xo`jaliklarning 50 foizini tashkil qildi. Rossiya banklari shu tariqa ko`z ko`rmagan foydani qo`lga kiritib, dehqonlar taqdiri, ularning oilasi, bola-chaqasi haqida umuman qayg`urmas edi.