I bob. Maktab o’quv qurollari va ularning tasnifi

Uquvchilarning o‘zlari qo‘lda yasagan qo‘llanmalardan geografiya darslarida foydalansa, ularning geografiyaga bo‘lgan qiziqishlari ortadi.

Karta iladigan moslama. Karta — geografik bilimlar ning asosi bo‘lganligi uchun har bir darsda undan foydalanishga to‘g‘ri keladi.

Karta va sinf doskasidan unumliroq foydalanish maqsadida sinf doskasi chekkalariga qoqilgan karta iladigan moslamalardan foydalanish mumkin (3-rasm). Buning uchun kattaligi 24 X 24 sm li, qalinligi 2 sm li 2 ta (yon) taxta, uzunligi 170 sm (ilinadigan kartalarga qarab 190 sm gacha olish mumkin), eni 8 sm li va qalinligi 1,5 sm li 3 ta taxta kerak bo‘ladi. 24 X 24 sm li yon taxtaning ikkalasini rasmda ko‘rsatilgandek qilib qirqiladi (3-rasm, a). So‘ngra karta iladigan taxtaning uchalasi navbat bilan 1,2 va 3 raqamli joylarga tik qilib birbiriga nisbatan 90° burchak bilan qoqiladi (b). Karta ilinadigan taxta o‘rtasiga shnur — ip o‘tkazish uchun halqalar qoqiladi (v). Moslamani devorga ilish uchun yon taxta orqasiga ko‘ndalang taxta qoqidadi va osma halqa qilinadi (g). Moslamadagi kartani yig‘ib, ortiqcha shnurini
o‘rab qo‘yish uchun moslama yoniga qoziqli taxta o‘rnatiladi va shnur qoziqlarga (d) o‘rab qo‘yiladi.