I-боб кичик ва хусусий тадбиркорлик шароитида ижтимоий меҳнат муносабатларини шакллантиришнинг назарий ва методологик асослари

Тадқиқот методлари. Илмий натижалар олиш учун тизимли ва қиёсий таҳлил, эксперт баҳолаш, социологик сўровлар, таснифлаш, иқтисодий-статистик услуб ва бошқа услублар қўлланилди.
Тадқиқотнинг статистика базаси. Ўзбекистон Республикаси Давлат статистика қўмитаси ҳамда Самарқанд вилояти маҳаллий ҳокимият муассасалари, статистика бошқармасининг статистик материалларига асосланади.
Ҳимояга олиб чиқилаётган асосий ҳолатлар:

• 
  вилоятда кичик бизнес ва хусусий тадбиркорликни ривожлантириш имкониятлари;
  
• 
  кичик бизнес ва хусусий тадбиркорликда ижтимоий-меҳнат муносабатлар тизими;
  
• 
  иш ҳақининг меҳнат мотивациясига таъсирини кучайтириш юзасидан илмий таклифлар ва амалий тавсиялар.
  

Тадқиқотнинг илмий янгилиги. Амалга оширилган тадқиқотларнинг янгилиги, энг аввало, қуйидаги натижалар билан белгиланади:

• 
  Ўзбекистон Республикаси ва унинг минтақаларида, хусусан, Самарқанд вилоят туман ва шаҳарларида ижтимоий-меҳнат муносабатларининг замонавий белгилари ишлаб чиқилди ва асосланди;
  
• 
  ривожланган бозор муносабатлари шароитида ижтимоий-меҳнат муносабатларини назарий-метадологик моҳияти таҳлил этилди ва янгича моҳияти ёритилди;
  
• 
  ижтимоий-меҳнат муносабатларининг худудий жиҳатлари таҳлил қилиниб, кичик ва хусусий тадбиркорликни ривожлантиришдаги ўрни тадқиқ қилинди;
  
• 
  Самарқанд вилоятида кичик бизнес ва хусусий тадбиркорлик субъектлари фаолияти таҳлили асосида соҳада иқтисодий самарадорликни ошириш услублари ва йўллари ишлаб чиқилди;
  
• 
  кичик бизнес ва хусусий тадбиркорликда меҳнатга бўлган янгича муносабат тизимини вужудга келтириш алгоритми ишлаб чиқилди;
  
• 
  кичик бизнес ва хусусий тадбиркорликда ижтимоий-меҳнат муносабатларининг таъсирини ошириш омиллари, шарт-шароитлари ва услубларини таҳлил этиш асосида илмий таклифлар ва тавсиялар ишлаб чиқилди.
  

Тадқиқот натижаларининг илмий ва амалий аҳамияти. Диссертация ишининг илмий-амалий тавсияларида Самарқанд вилоятида кичик бизнес ва хусусий тадбиркорликни ижтимоий-иқтисодий ривожлантириш дастурларини ишлаб чиқишда, уларнинг фаолиятида ижтимоий меҳнат муносабатларини мувофиқлаштиришда, меҳнат мотивациясини оширишда фойдаланиш мумкин. Шунингдек, тадқиқот натижаларидан олий ўқув юртларида «Меҳнат иқтисодиёти», «Персонални бошқариш» фанларини ўқитишда фойдаланиш мумкин.