1.E.Xeminguey qachon va qayerda tug‘ilgan?
2.E.Xemingueyning adabiyotga kirib kelishi haqida gapirib bering.
3.E.Xemingueyning dastlabki asari nima deb nomlanadi?
4.Unga mashhurlik keltirgan asarlar qaysilar?
5.E.Xemingueyning “Alvido qurol” romanida qaysi voqealar tasvirlangan?
6.”Alvido qurol” romani bosh qaxramonlari kimlar?
7.Nima uchun “Alvido qurol” romani mashxur bo‘lib ketgan deb o‘ylaysiz?
8.Jaxon adabiyotida shunga o‘xshash asarlar bormi? Misollar keltiring.
9.O‘zbek adabiyotida-chi? Misollar keltiring.
10.”Alvido qurol” romananini to‘liq o‘qib chiqing.
Xulosa. So’nggi yillarda kitobxonlik madaniyatinI rivojlantirish yuzasida juda ko’plab ishlar amalga oshirib kelinmoqda.Yurtboshimiz Sh.M.Mirziyoyevning shaxsiy tashabbusi bilan mamlakatimizda kitobxonlik madaniyati keng targ’ib qilinmoqda.
Bu maqsadni amalga oshirish yo’lida “Kitob savdosini erkinlashtirish to’g’risida” qonun qabul qilindi. 2017-yildan boshlab mamlakatimizda bosh sovriniga spark avtomabili qo’yilgan “Yosh kitobxon” tanlovi o”tkazib kelinmoqda Shuningdek Prezidentimiz tomonidan belgilangan besh tashabbusning to’rtinchisi ham aynan kitobxonlik madaniyatini ko’tarishga bag’ishlanganligini ham alohida qayd etib o’tish lozim. Mana shunday ishlar negizida respublikamiz bo’ylab millionlab yoshlar kitobga oshno bo’lishmoqda,dunyo adabiyoti namoyondalari bilan tanishishmoqda.
Shu jixatdan olib qaralganda jaxon adabiyoti sara asarlari taxlilini amalga oshirdik.
Taxlildan kutilgan asosiy maqsadlar:
E.Xemingueyning hayoti va ijodini o’rganish
Uning asarlaridagi motivlarga e’tibor berish
Uning xarakter yaratish san’atini taxlil qilish
“Alvido qurol” romani misolida uning urush mavzusidagi asarlarini o’rganish
“Urush mavzusini yoritishda Xeminguey mahorati sirlarini o’rganish
Ta’lim jarayonida E.Xeminguey asarlarini o’qitish muammolarini taxlil qilish
Ta’lim jarayoniga Xeminguey asarlarini keng tadbiq etish kabilar.
Ana shu maqsad va vazifalarni aniq bilgan holda ish ko‘rdik va ish jarayonida quyidagi xulosalarga keldik:
1.E. Xeminguey O’zbek adabiyotida kam o’rganilgan adiblardan sanaladi
2.Uning asarlari maktab va O’rta ta’limda kiritilmagan.
3.Uning asarlarini o’rganish hamma uchun qiziqarli va dolzarb
4.Ernest Xeminguey ijodi boy va rang-barang, yozuvchining uslubi sodda va
hamma uchun qiziqarli. Yozuvchining asarlarida tanlagan tili va uslubi uning
mashhurligining asosiy omilidir.
5. Ernest Xemingueyning ko‘pchilik asarlari urush mavzusiga qaratilgan, chunki yozuvchi yashagan davrda ko‘plab urushlar sodir bo‘lganki, bularning jonli guvohi sifatida Xeminguey o‘z kitobxonlariga ana shu davrni yuksak mahorat bilan ochib bera olgan.
6.Uning ‘Alvido qurol” romani urushlar haqida yaratilgan eng nodir asarlardan biri sanaladi.
Xeminguey asarlari XX asrning adabiy yo’nalishini belgilab bergan asarlar sanaladi. Ko’plab mashxur adiblar undan o’rgangan vat a’sirlangan. XX asrning eng mashxur yozuvchilaridan biri G.G.Markes Xemingueyning muxlisi va shogirdi bo’lgan. Uning asarlari dunyoning barcha tillariga tarjima qilingan va millionlab nusxalarda chop etilgan.Dunyoning barcha burchaklarida Xemingueyning muxlislari topiladi.U o’z asari bilan XX asrning urushga qarshi va urushlardan charchagan qatlami hayotini tabiiy bo’yoqlarda ochib bera olgan adibdir
Asar o’zbek tiliga Ibrohim G’ofurov tomonidan katta mahorat bilan tarjima qilingan. Alvido,qurol!‖ asarining tarjimasida shunday parchalar borki, kitobxon romanning tarjima ekanligini unutib - avtorning mahoratidan hayrat yoqasini ushlab: ajabo, Xeminguey asarni o‘zbek tilida yozganmikan, degan xayolga borib qoladi. Tarjimon qalamining sehrli kuchi shunda bo‘lsa kerak.
E.Xeminguey asarida urushga bo’lgan nafratini Genri va Ketrinning taqdirlari misolida yoritib beradi. Obyektiv yondashsak har bir asarda yozuvchi xayotining ma’lum parchasi ishtirok etadi.Xeminguey hayotidan xulosa qilib bu asarni umumiy ma’noda uning avtobiografik asari desak ham yanglishmaymiz. Bu asarning ham ba’zi o’rinlar Xeminguey hayoti saxnalari bilan mushtarak.Xeminguey o’z asari bilan realistic proza janrini yuksak marraga ko’tardi.
Unga bekorga Nobel mukofotini “Zamonaviy nasrga ko’rsatgan ta’siri uchun” berishmagan. U tom ma’noda o’z davri uchun adabiyotning yalovbardori edi.
Xeminguey asarlari xozirgi kungacha dolzarb bo’lib kelmoqda va ter yuzida insoniyat bor ekan o’z dolzarbligini yo’qotmaydi.Yozuvchining o’zi bundan 51 yil oldin vafot etgan bo’lsada uning asarlari uning nomini abadiylashtirib turibdi.
