I-bob. Fayllarni arxivlash va kompyuter viruslaridan saqlanish. Arxivlash dasturlari va ularning turkumlanishi. Reja

19. O’zbekistonda kompyuter tarmoqlari, zamonaviy axborot texnologiyalarini yaratish, joriy etish va rivojlantirish istiqbollari.


Reja.

1. 
   O’zbekiston Respublikasida kompyuterlashtirishni rivojlantirish.
   
2. 
   Ma’lumotlarni uzatish milliy tarmog’ining vazifalari.
   
3. 
   O’zbekiston Respublikasidagi Internet tarmog’ining rivojlanishi.
   
4. 
   Milliy elektron pochta xizmatlari.
   

Tayanch iboralar: Computerland, IBM, EPSON, DAEWOO, SONY, UzPAK,
UzNet, Sarkor Telekom.

Mustaqil respublikamizda kompyuterlashtirishni rivojlantirish, yuqori texnologiyalarni samarali va sifatli darajada qo’llash, hududimizdagi kompyuterlar bozorini kengaytirish va shunga o’xshash yo’nalishlarda qator tadbirlar o’tkazildi va yangilari rejalashtirilmoqda.

Yangi iqtisodiy mexanizmlarga o’tish davrida o’zining texnologik imkoniyatlarini rivojlantirish faqat zamonaviy axborot texnologiyalarini qo’llash orqali amalga oshiriladi. Respublikamizda faoliyat ko’rsatayotgan chet el firmalarining boshida Amerikaning COMPUTERLAND firmasi turadi. Chet el firmalarining vazifasiga nafaqat kompyuter va boshqa texnikalarni sotish, balki, respublikamiz mutaxassislari bilan birgalikda ilmiy-amaliy loyihalarni ishlab chiqish kiradi. Hozirgi kunda diyorimizda faoliyat ko’rsatayotgan kompyuterlar soni juda ko’p va ular asosan, IBM, EPSON, DAEWOO, SONY firmalarining mahsulotlari hisoblanadi.
1999 yil fevral oyida O’zbekiston Respublikasi Vazirlar Mahkamasining “Ma’lumotlar uzatish milliy tarmog’ini tashkil etish va jahon axborot tarmoqlaridan foydalanishni tartibga solish to’g’risida”gi qarori qabul qilindi. Biroz vaqtdan so’ng 1999-2003 yillarda O’zbekiston Respublikasida ma’lumotlar uzatish milliy tarmog’ini modernizatsiya qilish va uni rivojlantirish dasturi qabul qilindi.
O’zbekiston Respublikasida korporativ foydalanuvchilar (vazirliklar tarmoqlari, tashkilotlar, davlat boshqaruv organlari, mahalliy va mintaqaviy boshqarish tizimlari va boshqalar) uchun xalqaro milliy mintaqaviy ko’lamda uzatiladigan axborotlar hajmining uzluksiz ko’payishi, ma’lumotlarni uzatish milliy tarmog’ini rivojlantirish va takomillashtirish zaruratini keltirib chiqardi.
Ma’lumotlarni uzatish milliy tarmog’ining vazifalariga quyidagilar kiradi:

• 
  Mulkchilik shaklidan qat’iy nazar davlat, jamoat organlari, fuqarolar, tashkilotlar, muassasalar, jamoalarning axborotlarga talabini qondirish uchun electron axborot almashishni amalga oshirish .
  
• 
  Respublikada transport-kommunikatsiya asoslarining yagona axborotli muhitini yaratish va uning dunyo axborot almashish tizimiga kirishini ta’minlash.
  
• 
  Respublikada ma’lumotlarni uzatish provayderlar tarmog’ining dunyo ma’lumotlarini uzatish tarmog’iga jumladan, internetga markazlashgan holda ulanishini ta’minlash.
  
• 
  Davlat boshqarish va hokimiyat organlarida markazlashgan electron hujjat almashishni ta’minlash uchun shart-sharoitlar yaratish.
  

Ma’lumotlarni uzatish milliy tarmog’i respublikada mavjud ma’lumotlarni uzatish va ularni texnik ta’minlash, O’zbekiston aloqa va telekommunikatsiya (UzPAK) va Vazirlar Mahkamasi huzuridagi xo’jaliklararo axborot – kompyuter xizmati (UzNET) hamkorligida yaratildi. Ma’lumotlarni uzatish milliy tarmog’ida milliy provayderlar vazifalari, shuningdek, internet xizmatlari UzPAK zimmasiga yuklatilgan.