I-bob. Bilimlar transferi, innovatsiyalarni boshqarish–asosiy tushincha va tamoyillar

1.2- Jadval.
Lundvall va Yoxanson taklif etgan bilim tushunchalari.

BILIM
know-what	know-why	know-how	know-who

Know-what "faktlar" to‘g‘risidagi bilimni anglatadi. Bu o‘lchamdagi bilimlar odatda axborot deb ataladi, shuning uchun ularni yanada mayda toifalarga ajratish ham mumkin.
Know-why inson tafakkuri va jamiyatga aloqador tabiatdagi harakat tamoyillari va qonunlari to‘g‘risidagi bilimlarni anglatadi. Bilimning bu turi sanoatning turli sohalarini texnologik rivojlantirishda muhim ahamiyatga ega. Shuningdek, bu kabi bilim odatda yutuqlarni turli texnologiyalarga kamroq xatoliklar evaziga tadbiq etish imkonini beradi.
Shuningdek, know-how nimanidir qilib bilish ko‘nikmaksiga ega ekanligini bildiradigan bilimga tegishli. Bilimning bu shakli, odatda, alohida shu faoliyat bilan shug‘ullanadigan bir firma yoki tadqiqot guruhiga tegishli bo‘ladi.
Know-who kim nimani bilishi va kim nima qilshni bilishi haqidagi bilimlarni qamrab oladi. Bu aspekt turli xil odamlar va mutaxassislar bilan hamkorlik va muloqot qilishning ijtimoiy imkoniyatlarini ham o‘z ichiga oladi⁹.
Xususiy sektor nuqtai-nazariga ko‘ra, bilimning nou-xau shakli eng qimmatlisi hisoblanib, u ta’lim muassasalari va kompaniyalar o‘rtasida transfer jarayonlarining asosiy qismi sanaladi.
Maxsus adabiyotlarda "nou-xau" atamasi texnik yoki notexnik bilim va tajribalar sifatida talqin qilinib, biznes jarayoniga amaliy tadbiq etish potensiali yoki real imkoniyatlarini aniqlash va tasvirlab berish qobiliyati sifatida tavsiflanadi.
Shunday qilib