I adabiyotlar sharhi

Yaxna ichimliklarning turlari.Yaxna ichimliklar ishlab chiqarish jarayonida sifatli ichimlik suvi, shakar, meva ekstrakti va sharbatlari, organik kislotlari (limon, sut, vino), ovqat bo‘yoqlari va essensiyalaridan foydalaniladi. Alkogolsiz yaxna ichimliklarga gazlangan yaxna ichimliklar, tabiiy meva sharbatlari, kola ichimligi va mineral suvlar kiradi.
Alkogolsiz yaxna ichimliklarni tayyorlashda ishlatiladigan suv ichimlik suvi uchun qo‘yiladigan barcha talablarga javob berishi lozim. Bundan tashqari yaxna ichimliklar ishlab chiqarishda asosiy talab suvni karbonat angidrid bilan boyitilishga qaratilishi lozim. Buning uchun suv suyuq holdagi karbonat angidrid maxsus saturator apparatida bosim ostida to‘yintiriladi.
Yaxna ichimliklarning sifati standart talabalarga javob berishi lozim. Ularning tashqi ko‘rinishi tiniq va begona cho‘kmalarsiz bo‘lishi lozim. Yaxna ichimliklar tarkibida mishyak va og‘ir metall tuzlarini bo‘lishiga yo‘l qo‘ymaslik lozim. Karbonat angidridning ruxsat etilgan me’yori 0,04 %. Yaxna ichimliklarning tarkibida shakarni o‘rnini bosuvchi va surragatlarga ruxsat berilmaydi, diabetiklar uchun shakar o‘rniga maxsus saharin qo‘shib ishlab chiqariladigan ichimliklar bundan mustasno. Ayrim ichimliklarda saharin o‘rniga sorbit yoki ksilit qo‘shish mumkin.
Yaxna ichimliklarni ishlab chiqarishda texnologik jarayonni buzilishi, gigienik qoidalarga rioya qilmaslik natijasida ichimliklar mikroblar bilan zararlanishining manbai bo‘lishi mumkin. Ichimliklarning mikrob bilan zararlanish manbai - bu suv, shakar, meva, sharbatlar, idishlar, apparatlar, jihozlar hamda korxona xodimlari bulishi mumkin.
Yaxna ichimliklar ishlab – chiqarishda texnologik jarayon yoki idishlarni yuvish qoidalari buzilsa dizenteriya, paratif, qorin tifi kabi yuqumli kasalliklarning tarqalishiga sabab bo‘lishi mumkin.