Хуш келибсиз азиз дўстлар

Ё МУВАФФАҚИЯТЛИ БЎЛАСИЗ, Ё ОРТДА ҚОЛИБ ЎЙИНДАН ЧИҚАСИЗ !
Демак, ўз муваффақиятингиз учун сизда оташин иштиёқ бўлиши шарт.
УЧИНЧИ СИР: Муваффақиятингиз охирги омадсизлигингиздан кейин бошланади. Яна бир қадамди босинг, сизни омад кутяпти.
Бу бизнесда кўплар сизга манфий жавоб қайтаришади. Баланд овозда “ЙЎҚ” дейишади. Бундай жавобдан асло чўчиманг. “Йўқ” сўзи сизни профессионаллаштиради.
Диққатингизга шу ибратли ҳикояни тақдим этаман, ҳамма вақт ёдингизда бўлсин:
Бир тегирмончи бор эди. Тегирмон атрофида маҳаллий деҳқон оилалари яшарди. Кунлардан бир кун тегирмонга кичкина деҳқон қизи кириб келди ва тегирмон остонасига ўтириб олди. Ишдан бошини кўтарган тегирмончи жаҳл билан қизчадан сўради:
- Сенга нима керак?
Қизча шундай жавоб қайтарди:
- Онамга сизнинг 1$ (бир доллар) қарзингиз бор экан.Шуни қайтаришингизни сўрадилар.
Яна ҳам жаҳли чиққан тегирмончи қизчага бақирди:
- Ҳозир пулим йўқ, уйингга бор.
Қизча мулойимгина шундай деди:
- Майли.
Лекин қизча жойидан силжимади. Ишга шўнғиган тегирмончи қизчанинг жойидан силжимаганини пайқамади. Қизча аввалги жойида ўтирар эди. Бир мунча вақтдан кейин тегирмончи ҳали ҳам жойида турган қизчани кўриб тутоқиб кетди ва қизчага бақирди:
- Сенга “уйингга бор!” демадимми? Йўқол бу ердан! Бўлмаса ураман!
Қизча паст овоз билан жавоб қайтарди:
- Майли.
Шундай дедию эшик олдида ўтираверди. Буни кўрган тегирмончининг ундан ҳам баттар жаҳли чиқди. Ишини ташлаб қўлига таёқ олди ва қизчага пўписа қилди, лекин қизча бундан ҳеч ҳам чўчимади. Қизча ўрнидан туриб тегирмончи томонга бир қадам қўйди ва баланд овозда шундай деди:
- Менга онамнинг бир долларини беринг!
Тегирмончининг оғзи очилиб жойида тўхтаб қолди. Бир муддат ўйга чўмди. Ўзига келиб, таёғини жойига қўйди ва чўнтагидан 1$ни чиқариб қизчага узатди.
Бу ҳикоя ҳақида нима деб ўйлайсиз? Қизча тегирмончини жаҳлидан тушириш ва ундан 1$ни олиш учун қайси кучни ишлатди?
Менимча бу куч- “қувватли кузатув (таъқиб этиш)” эди. Мақсаднинг пайига тушиш кучи эди!
Сиз ҳам агар ҳаётда муваффақиятли бўлай десангиз хоҳишингизнинг ортидан қувишингиз керак.