Хумоюн ва Акбар Авлодлар довони (роман). Пиримкул Кодиров Пиримнул Кодиров хумоюн ва акбар

Хумоюн ва Акбар - Авлодлар довони (роман). Пиримкул Кодиров
Бу орада мавкаб дарё буйидаги подшо богига якинлашди. Хумоюн бошлик ахли давлат богнинг 
улкан дарвозасидан ичкарига кира бошлади. Дарвоза олдида узун найза тутган курикчи 
йигитлар хиёбон четларидан томоша килиб келаётган халойикнинг йулини тусдилар. Бокка 
факат махсус рухсати бор одамларгина кириши мумкин. Бу рухсатномалар турли хил ёй уки 
шаклида таркатилган. Мавкаб кетидан бог дарвозасига якинлашган Гулбадан бегим отининг 
эгари кошидаги сокдондан олтин учли ёй укини олиб сокчиларга курсатди. Улар бусиз хам 
подшонинг синглисини таниб колган эдилар. Бегим билан отлик келаётган Хамида бонуга ва 
Султоним бегимга енгил таъзим билан йул бердилар. Бог ичига кирганларни шиговул тартиб 
билан турли йулкаларга йуналтириб турибди.
Хумоюн минган фил бог туридаги икки каватли кушк томонга бурилди. Хамидалар эса Жамна 
четида лангар ташлаб турган шохона кемаларга томон йул олдилар.
Бу кемаларни хайдайдиган эшкакчилар орасида Низом хам булиши керак. Хали кема сайрида 
Хонзода бегим уни Хумоюн билан таништирса-ю, буни Низом хам курса... Хамида шуни уйлаган 
сари кунгли безовта буларди.
* * *
Фил баланд шохсупага ёнини бериб тухтагач, Хумоюн унинг устидан тушди-да, кушкнинг 
иккинчи каватидаги кабулхонага кирди.
Бугун байрам булса хам, давлат иши танаффус билмайди. У кема сайрига чикишдан олдин 
кечиктириб булмайдиган фавкулодда ишлар буйича курсатмалар бермоги керак. Гилам устида 
тикка турган куйича Турдибекдан суради:
— Шаркдан не хабар бор?
— Хазратим, Шерхон Чунорга хужум бошлабдир, калъа ичидагилар камалда колмишлар. Хозир 
келган ахборотга Караганда, бизникиларнинг ахволи танг. Тезда ёрдамга етиб бормасак, калъа 
иликдан чикиши мумкин.
Отда Чуноргача ун беш кунлик йул. Хумоюн узи бор кушинини бошлаб бормаса бошка хеч бир 
бек Шерхонга бас келолмайди. Бир йилда бир келадиган навруз кунини хам хотиржам утказиб 
булмаслиги Хумоюнга жуда малол келди:
— Чунордагилар вахима килмасин! — деб кесиб-кесиб гапирди: — Калъа деворлари мустахкам! 
бултур биз бу калъани камал килганда Шерхон уч ойгача дарвоза очтирмаган эди! Нахотки 
бизникилар бир ойга хам бардош беролмасалар? Калъа бошлигига хозирок махсус чопар билан 
фармойиш юборинг! Химояда каттик турсинлар. Биз бир ойга колмай етиб боргай-миз!
— Бош устига хазрати олийлари!
Турдибек таъзим килиб оркаси билан юриб эшикдан чиккач, Хумоюн шохнишинга утиб 
ултирди. Аркони давлат одатдагидай унинг унгу сулига тизилгандан кейин шиговул бошка 
мамлакатлардан келган элчиларни бошлаб кирди.
Биринчи булиб кирган Эрон вакиллаи тахтга якин энг мутабар уринга утказилди. Хумоюн 
отасининг шох Исмоил билан бошланган хамкорлигини унинг угли Тахмасп билан давом 
эттирмокда эди. Бухородан келган шайбонийзодалар элчиси Эрон вакилларини курарга 
кузлари йук. Аммо Хумоюн улар билан хам савдо-сотик килади, мамлакат ичи шундай 
пароканда ва нотинч булиб турганда шимолий чегараларда яна уруш чикиб кетмасин учун 
шайбонийзодалар юборган элчиларнинг кунглини олишга интилади. Шунинг учун Бухоро 
элчиси подшонинг чап томонидаги мутабар жойлардан бирига таклиф этилди. Хумоюн Эрон ва 
Турон элчиларини бугунги дарё сайлига узи билан бир кемага утказиб олиб борадиган булган. 
Кемага энг нуфузли аъёнлар хам чикиши керак, жой эса хисобли. Бунинг устига узок 
Португалиядан совга-салом билан келган Алваро Пакавира хам бугун Хумоюннинг хузурига 
киришга рухсат сураган. Хумоюн европа мамлакатларини бир-биридан купда фарк килмас, 
уларнинг хаммасини Фарангистон деб атар эди. Шиговулга:
— Фарангистон элчисини чорланг! — деб буюрди.

---