Hujayra va uning tuzilishi

Qoldiq tanacha - ikkilamchi lizosomalarda hamma moddalar parchalanmay qolganda hosil bo‘ladi. Masalan, qatlamli moddalar, lipofussin va shu kabilar
Peroksisomalar ko‘proq oval shaklida bo‘lib, o‘lchovi 0,3-1,5 mkm bo‘ladi, membrana ichi mayda donali matriksdan iborat va o‘rtasida zich kristalsimon (tayoq shaklida) tuzilma bo‘ladi. Bu tuzilma - fibrilyar va naysimon harakterga ega. Peroksisomada N₂O₂ ni parchalovchi katalaza fermenti ko‘p bo‘ladi. Peroksisoma jigar va buyrak hujayralarida ko‘p uchraydi.
Shunday qilib, bir membranali organellalar hujayrada sintez, transport, sekretsiya, hujayra ichi moddalarni hosil qilish, zaharsizlantirish tizimini hosil qiladi.
Mitoxondriyalar ATF sintezlovchi organellalar bo‘lib, hujayraning energetik tizimini hosil qiladi. Sitoplazmadagi donasimon, ipsimon tuzilmalar mitoxondriya nomi bilan nomlangan (mitos - ip, chondros - dona). Mitoxondriyalarda elektron mikroskop ostida asosan 4 ta tuzilma aniq ko‘rinadi: tashqi membrana, ichki membrana, kristallar va matriks. Mitoxondriyalarning qalinligi 0, 5 mkm, uzunligi 1 mkm dan 10
mkmgacha bo‘lishi mumkin. Mitoxondriyaning tashqi membranasi uni gialoplazmadan, ichki membranasi esa, uni matriksidan ajratib turadi. Ikki membrana o‘rtasida bo‘shliq bo‘ladi, ichki membranadan matriks ichiga o‘simtalar-kristalar bo‘rtib chiqadi. Kristalar yuzida mayda dumaloq zarrachalar bo‘lib, bu zarrachalarda ATF ni sintezlovchi fermentlar joylashadi. Mitoxondriya matriksi och bo‘lib, unda ham mayda, elektron zich donachalar bo‘ladi, donachalar Sa++, Mg++ kabi ionlarga boy bo‘ladi.