Hujayra va gen ingenerligi

Antibiotik	Produtsent	Ta’sir etuvchi ob’ekt
Ta’sir mexanizmi
Penicillin	Penicillium sp.	grammanfiy bakteriyalar	Hujayra devori hosil bo’lishini to’xtatadi
Sefalosporin	Cephalosporium sp.	Grammanfiy va grammusbat bakteriyalar	Hujayra devori hosil bo’lishini to’xtatadi
Eritromisin	Streptomyces erythreus	Grammanfiy bakteriyalar	Ribosomal 50S subedinisa faoliyatini susaytiradi
Streptomisin	S.griseus	Grammanfiy va grammusbat bakteriyalar	Ribosomal 50S subedinisa faoliyatini susaytiradi
Tetrasiklin	S.aureofaciens	Grammanfiy va grammusbat bakteriyalar	Ribosomal bilan aminoatsil-tRNK bog’liqligini to’xtatadi
Polimiksin	Bacillus polymyxa	Grammusbat bakteriyalar	Sitoplazmatik memranani buzadi
Basitrasin	B.subtilis	Grammanfiy bakteriyalar	Hujayra devorining peptidoglikin komponenti sintezini to’xtatadi
Amfoterisin B	Streptomyces nodesus	Mikroskopik zamburug’lar	Membrane komponentlariga ta’sir qiladi
Xloramfenikol	S.venezuelae	Grammanfiy va grammusbat bakteriyalar	Ribosomadagi translatsiya jarayonini to’xtatadi

Tetrasiklinlar ishlab chiqarish. Tetrasiklinlar tibbiyotda, hamda ozuqa preparatlari ishlab chiqarishda keng qo’llaniladi. Ular orasida, qishloq xo’jaligi amaliyotida ishlatish uchun 7-xlortetrasiklin va 8 oksitetrasiklin asosida bir qator preparatlar yaratilgan bo’lib, ular sanoat miqyosida ishlab chiqariladi.
Xlortetrasiklinning sanoatdagi produtsenti sifatida Actinomyces aurefaciens zamburug’i, oksitetrasiklinniki esa – Actinomyces rimosus hisoblanadi. Sanoat miqyosida 1 kg preparatda 20, 40, 80 g toza holdagi antibiotik, 3, 5, 8 mkg B₁₂ vitamini bo’lgan biovit-20, biovit-40, biovit-80 turidagi xlortetrasiklin saqlagan ozuqa preparatlari ishlab chiqarilmoqda.
Bundan tashqari preparatlar tarkibida mikroelementlar, yog’lar, oqsillar va mineral tuzlar ham bor. Agar ratsiondagi 1 t ozuqaga 15-20 g antibiotikli biovit qo’shilsa, hayvonlar og’irligining o’sishi 30% gacha oshadi, ozuqa sarflanishi esa o’rtacha 5-10% ga kamayadi. Preparatlar qishloq xo’jaligi hayvonlari va parrandachilikda o’stiruvchi stimulyatorlar sifatida qo’llanilib, ularning yaxshi o’sib rivojlanishi va oshqozon-ichak yo’llari hamda o’pka kasalliklarining oldini oluvchi profilaktik vositalar sifatida ishlatiladi.