Хudayberdiyeva ro’zixon abdupattayevna тa’lim xizmati muassasalarining hududiy joylashishi va rivojlanish xususiyatlari”

Tadqiqot mavzusi bo‘yicha adabiyotlar sharhi. O‘zbekiston Respublikasining “Ta’lim to‘g‘risida”gi Qonuni, O‘zbekiston Respublikasi Prezidenti Sh. M. Mirziyoyevning asarlaridagi ta’lim tizimi tarkibini rivojlantirish va geografik joylashuvini takomillashtirish, samaradorligini oshirishga doir g‘oyalar, ta’lim tizimini tashkil etishga doir innovatsion yondashuvlari.
Ta’lim tizimi muassasalarining hududiy joylashishi va rivojlanishi xususiyatlari va sotsial geografiyaning nazariy va metodologik muammolari bo‘yicha xorijiy mamlakatlarda M. Veber, E. Dyurkgeym, N. Luman, R. Merton, T. Parsons, K. Vandeskrik, Dj. Kolduell, A. Landri va F. Noteshteyn kabi iqtisodchi-demograf olimlar tomonidan tadqiq etilgan.
MDH mamlakatlari olimlari V. A. Anikin, A. Borisov, A. Ya. Boyarskiy, N. A. Volgin, A. A. Galkin, Z. T. Golenkova, L. L. Ribakovskiy, Yu. A. Krasin, M. E. Pozdnyakova, V. V. Sivolobov va boshqalar tomonidan ta’lim muasasalarining shakllantirish, hududiy joylashishi va rivojlantirishga qaratilgan ilmiy tadqiqotlar olib borilgan.
O‘zbekistonda ta’lim tizimini rivojlantirishda, umumta’lim maktablari uchun darslik va o‘quv qo‘llanmalarni tayyorlashda N. Dolimov, O. Mo‘minov, F. Musaev, R. G‘ulomov, H. Vahobov, A. Qayumov, P. Baratov, O. Mamatqulov, A. Abdulqosimov, R. Qurbonniyozov, A. Soatovlarning xizmatlarini alohida e’tirof etish mumkin. Respublikamizda pedagogik texnologiyalar, ularning ilmiy asoslari, zamonaviy va innovatsion pedagogik texnologiyalarni dars jarayoniga tadbiq etish bo‘yicha N. N. Azizxodjaeva, Yu. K. Babanskiy, R. Sh. Ishmuhamedov D. O. Ro‘zieva, J. O. Tolipova, M. Usmonboeva, M. L. Farberman va boshqalar tadqiqot ishlarini olib borganlar.
Tadqiqotda qo‘llanilgan metodlarning tavsifi. Tadqiqot ishida tahlil va sintez, qiyosiy tahlil, iqtisodiy matematik va statistik, taqqoslash usullardan foydalanildi.
Tadqiqot natijalarining nazariy va amaliy ahamiyati: Tadqiqot natijalarining nazariy ahamiyati, ta’lim tizimi uning tarkibiy tuzilishi, hududiy joylashishi, rivojlanishi va xorijiy tajribalardan foydalanishning natijalari hisoblanadi, amaliy ahamiyati ta’lim tizimini rivojlantirish xorijiy ta’lim tajribalarni tahlillash va foydalanishning modernizatsiyalashgan didaktik ta’minoti sifatida o‘rganishga hamda amaliyotga tadbiq etishga qaratilgan.