Хромофор гурухи тутган органик моддаларнинг уб спектрлари

. Қайтадан гурухланувчи ионлар
Кўпгина бирикмалар масс-спектрда зарядланган ёки зарядланмаган бўлакчалар ҳосил қиладилар, аммо уларнинг спектрда намоён бўлишини кўп ҳолларда боғларнинг оддий узилиши ёрдамида тушунтириш қийинчилик туғдиради. Бундай ионлар диссоциацияланиш жараёнида атомларнинг қайта гурухланиши натижасида ҳосил бўлади, буларни кўп ҳолларда водород атомининг бир атомдан иккинчи атомга кўчиши билан изоҳлаш мумкин. Водород атомининг кўчиши гетероатомлар (O.S.N) га нисбатан ,  ёки -ҳолатлардан бўлиши мумкин.

Водород атомининг кўчиши унинг гетероатом билан бирлашиб нейтрал молекула сифатида ажралиб чиқиши билан ҳам бўлиши мумкин.

Углеводородлар ва карбонилли бирикмаларнинг
масс-спектрлари
Углеводородларнинг масс-спектрлари биринчи марта октан ва нонан изомерларининг мисолида ўрганилган. Нормал углеводородлардаги ионлар интенсивлиги уларнинг изомерларига нисбатан юқори бўлади. Бўлакли ионлар 43, 57, 73 массаларида энг интенсив ион чўққиларини ҳосил қилади. Углерод атомини углеводород занжирдаги миқдори ортиши билан ионларнинг интенсивлиги ҳам камаяди, бунда энг интенсив ион С_nН_2n1 ҳисобланади. Нормал углеводородларда молекуляр ионларнинг парчаланиши С-С боғларнинг узилиши билан рўй беради.




Циклоалканларда молекуляр ионнинг интенсивлиги анча юқори бўлади. Тармоқланган занжирга эга бўлган алканларда интенсив ион чўққиси тармоқланиш жойидан боғларнинг узилиш натижасида ҳосил бўлади. Карбонилли бирикмалар ўзидан СО гурухини ажратиб бўлакли ионлар ҳосил қилади.

Кислоталар ва мураккаб эфирларнинг масс-спектрларида ҳам карбонил гурухининг узилиши кўп учрайди.
Алифатик кислоталар ва амидларнинг масс-спектрларида ОН ва NR₂ ларнинг ажралиб чиқиши билан боғлиқ бўлган кам интенсивликка эга бўлган ионлар ҳосил бўлиши кузатилади, ароматик бирикмаларда ҳам ОН ва NR₂ ларнинг чиқиб кетиши қайд этилади.