Хромофор гурухи тутган органик моддаларнинг уб спектрлари

.Молекуляр ионлар
Молекуляр ионлар молекулага электронлар оқими таъсир эттирилганда молекуладан битта электроннинг чиқариб юборилиши натижасида ҳосил бўлади.
М  е ————М*  2е
Молекуляр ионларнинг массалари намунанинг молекула оғирлигини ва эмперик формуласини ифода этади. Молекуляр ионлар бошқа ионлардан ўз ҳолати билан фарқ қилгани учун уни спектрдан осон аниқлаб олиш мумкин, аммо кўп ҳолларда уларнинг интенсивлиги жуда кичик бўлгани учун топиш анча қийинчилик туғдиради.
Молекуляр ионларнинг барқарорлиги ҳосил бўлган бўлакли ионларнинг миқдорига нисбати билан белгиланади. Агар молекуляр ионнинг ҳосил бўлиши спектрда кузатилмаса, ионланиш натижасида ҳосил бўлган молекуляр ионнинг парчаланиш тезлиги юқори бўлишини кўрсатади. Молекуланинг ўлчами ва тармоқланишининг ошиши натижасида ионларнинг парчаланиш тезлиги ҳам юқори бўлади.
Паль турли хил органик моддаларнинг молекуляр ионининг барқарорлигини ўрганиб, молекуляр ионларнинг парчаланиш эҳтимоллигини қуйидаги тенглама орқали аниқлаган:

J_p - парчаланмаган молекуляр ионнинг тўлиқ интенсивлиги.
J_f - масс-спектрдаги бир зарядли бошқа ион чўққиларининг интенсивлик йиғиндиси.


. Метастабил ионлар
Ионланиш хонасида намунага электрон оқимининг кучли таъсири натижасида ҳосил бўлган айрим ионлар метастабил хусусиятга эга. Уларнинг ионланиш хонасидан чиқиб кетиши қарорли бўлиб, айримлари коллекторга (ионлар дастаси томонидан келтираётган зарядларни тўпловчи электрод) етмасдан ҳам диссоциацияланиши мумкин. Бу ионларнинг айримлари бошланғич массаси М₁ бўлган ҳолда коллекторга парчаланмасдан етиб олиши мумкин, аммо айримлари ионланиш хонасидан чиқишдан аввал парчаланиш хусусиятига эга. Шундай қилиб, масс-спектрда метастабил ўтишларга хос бўлган, бошланғич ва охирги ионларнинг чўққилари намоён бўлади. Метастабил ионларнинг бошланғич ва охирги массаларини аниқлаш молекула тузилиши тўғрисида хулоса қилишга имкон беради.
Масалан, метанол ва уни дейтерий ўрин алмашган ҳосиласининг спектрида қуйидаги метастабил ионлар кўринади:

Аминларнинг масс-спектрида аминли бўлакчалардан иборат бўлган метастабил ионлар мавжуд.