Hozirgi zamon xalqaro huquqi nazariyasi asoslari

1Тункин  Г.И.  П раво  и  сила  в  международной  системе.  —М.,  1983.  С.  106.
36
www.ziyouz.com kutubxonasi

---

Shunday qilib,  xalqaro  huquq  tashqi  siyosat  bilan  bog'liq  bo'lishiga 
qaramay,  u alohida bir ijtimoiy hodisa va reallik sifatida namoyon bo'ladi. 
O 'z navbatida, siyosat ham xalqaro huquq bilan hisoblashmasa bo'lmaydi. 
Dunyodagi  hech  bir  davlat  xalqaro  huquqqa  e ’tiborsizlik  bilan  qaray 
olmaydi,  chunki  bu  uning  xalqaro  maydondagi  obro'yiga  jiddiy  putur 
yetkazishi  mumkin.
Tashqi  siyosatning xalqaro huquqqa t a ’sirini  hisobga olib,  bu ta ’sirni 
qandaydir  darajada  muvozanatga  keltirish  maqsadida  xalqaro  huquq­
ning  siyosatdan  ustuvorligi  tamoyilini  tan  olish  lozim.  Yuridik  nuqtayi 
nazardan,  huquq  siyosat  talablariga  emas,  tashqi  siyosat  xalqaro  huquq 
talablariga  mos bo'lishi  kerak  (politial  legibus,  non  lyes politis adaptan- 
dae).  Huquq  ustuvorligi  siyosatning  tarkibiy  qismi  bo'lishi  lozim.  BMT 
ning  2000-yilda  e’lon  qilingan  «Ming  yillik  Deklaratsiyasi»da  xalqaro 
ishlarda  huquqning  ustuvorligini  oshirish  alohida  ta ’kidlab  o'tilgan.
Shunday qilib, xalqaro huquqning tashqi siyosatga ta ’sirini  ikki asosiy 
jihatini  ko'rsatish  mumkin.  Bir  tom ondan,  xalqaro  huquq  tashqi  siyo­
satni  um um e’tirof etilgan  qoliplar  bilan  cheklaydi,  boshqa  bir  tom on­
dan,  tashqi  siyosat  uchun  yuridik vositalar yordam ida  keng  imkoniyat- 
lar  ochib  beradi.  O 'z  navbatida  tashqi  siyosat  ham   davlat  milliy  man- 
faatlarini  ta ’minlash  uchun  keraklidir.