Hozirgi o`zbek adabiy tili (Sodda gap sintaksisi)” fanidan O`quv uslubiy мajmua

6.5.3.12 Ўзбек адабиёти тарихи:

ўзбек адабиёти, унинг шаклланиш ва ривожланиш босқичлари, унинг халқ тараққиёти тарихи билан боғлиқлиги, жаҳон адабиётида тутган ўрни. Адабий мерос, унга бўлган муносабат. Ўзбек адабиёти тарихини даврлаштириш. Ўзбек ва туркий халқлар адабиёти манбалари. Қадимги туркий адабиёт. Ўзбек адабиёти тарихи ва халқ оғзаки ижоди. Миф ва афсоналар. Ўзбек адабиёти ва форс-тожик адабиёти. XI-XIV асрлардаги ўзбек адабиётининг тематик ва жанр хусусиятлари, намояндалари. Маҳмуд Кошғарий, Юсуф Хос Ҳожиб, Аҳмад Югнакий, Аҳмад Яссавий, Хоразмий, Рабғузий, Саккокий, Лутфий ва бошқа адиблар асарларининг адабий-эстетик талқини.

Ўзбек адабиётининг ўрта даврлари. Классик адабиётининг пайдо бўлиши. Классик адабиётдаги адабий-назарий қарашлар, вазн масаласи. Ўзбек классик адабиётининг ривожланишида Алишер Навоий, Ҳусайний, Заҳириддин Муҳаммад Бобур ҳамда XV-XIX асрларда ижод этган адибларнинг роли, улар асарларининг бадиий-эстетик таҳлили.

Маърифатпарварлик адабиёти, унинг йирик вакиллари ижодининг аҳамияти ва таҳлили.

ХХ аср адабиёти ва уни даврлаштириш. Туркистондаги ХIХ аср охири ва ХХ аср бошларидаги ижтимоий ва маданий ҳаёт. Жадид адабиёти. Адабиётда янги тур ва жанрларнинг пайдо бўлиши. Ўзбек матбуоти ва адабиёт. Таржима адабиёти. Танқидчилик. Адабиётда мафкуравий кураш. Ҳоким мафкура масаласи. Жадид адабиёти намояндалари ва улар асарларининг илмий-назарий ва бадиий-эстетик таҳлили.

Миллий уйғониш адабиёти, унинг вакиллари. А.Фитрат, Ҳ.Ҳ.Ниёзий, Абдулла Қодирий, Абдулҳамид Чўлпон ҳаёти ва ижоди.

30-50-йиллар ўзбек адабиёти ва унда мафкуравий кураш. Ғофур Ғулом, Ойбек, Ҳамид Олимжон, Абдулла Қаҳҳор, Усмон Носир ҳаёти ва ижоди.

Фашизмга қарши кураш даври адабиёти, унинг тематик ва жанр хусусиятлари. Мақсуд Шайхзода, Уйғун, Комил Яшин, Миртемир, Зулфия ва бошқа шоир ёзувчилар ҳаёти ва ижоди.

60-90-йиллар ўзбек адабиёти, унинг ўзига хос хусусиятлари, бу даврда ижод этган шоир ва ёзувчиларнинг ҳаёти ва ижоди.

Мустақиллик давридаги ўзбек адабиёти. Адабиётда янги йўналишларнинг пайдо бўлиши.