Ўзбекистон республикаси қурилиш вазирлиги ўзбекистон республикаси

Эшик ва мебелларбоп шиша.Эшик полотналари қалинлиги 10, 15 ва 20 мм бўлган тобланган рангсиз шишадан тайёрланади. Юзаси силлиқланган, нақшли ёки сопол бўёқ билан қопланган бўлиши мумкин.
Шиша линзалар ва призмалар - пресслаш усулида олинади.
Юзасига нақш берилган бўлиши мумкин. Улар шиша-темирбетон ораёпмалар, шиша поллар, ёритгич люкларни тайёрлашда ишлатилади.
Қоплама шиша плиткалар
Гилам-мозаика плиткалар - 21×21 мм ўлчамда, 4,5 мм қалинликда хираланган рангли ойнадан прокат қилиш усулида тайёрланади.
Плиткаларга сув ўтказмайдиган елим билан қоғоз ёпиштирилади, юзасига гилам сепилади. Масалан, девор панели ва қоғоз сув билан ювилади. Плиткалар, шунингдек, шиша-мозаикали панноларни ишлаб чиқаришда ҳам қўлланилади.
Эмал билан қопланган шиша плитка - 150×150, 100×100 ва 150×75 мм ўлчамларда ҳамда 3-9 мм қалинликда бўлади. У шиша чиқиндилари асосида тайёрланади ва юзаси титан эмали билан қопланади. Турар-жой ва саноат биноларининг деворларини қоплаш учун мўлжалланган.
Қоплама шишаларга, юқорида келтирилган марбит, стемалит, рангли ва нақшли плиткаларни ҳам киритишимиз мумкин.
Витрина ойнаси икки хил маркада ишлаб чиқарилади: силлиқланган маркаси М7 ва силлиқланмаган М8. Қалинлиги 6,5-12 мм, юзаси 3000х6000 мм² ўлчамларга эга. Жамоат бинолари, кўргазма витриналари ва деразаларини қуришда ишлатилади. Нур ўтказувчанлиги 75-83% га тенг.
Рангли ва рангсиз симли пардозбоп ойна тахталари саноат корхоналари, завод ва зарб билан иш юритувчи цех деразалари учун ишлатилади. Шунингдек, бино ва иншоотларнинг ички хоналарида тўсиқ сифатида ҳам ишлатилади. Бундай ойна тахталарни икки ёки бир томони текис ёки безакли штампланган бўлади (11.5-расм).





11.5-расм. Пардозбоп ойналар.


Қатламли ойна тахта. Синганда ҳам бўлакларга бўлинмайдиган триплекс деб аталувчи қатламли ойна силлиқланган ойна тахталарни ўзаро органик елим билан ёпиштириб тайёрланади (11.6-расм).