Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

СУЮҚЛИК ПАРАМЕТРЛАРИНИ 
ЎРГАНИШДАЗАМОНАВИЙИНТЕРАКТИВ 
ТЕХНОЛОГИЯЛАРИНИ 
ҚЎЛЛАШ 
 
Каримова Мазлума Муратовна 
Тошкент педиатрия тиббиёт институти 
boburnazarmukhamedov @ yahoo.com. 
 
Мавзунинг долзарблиги. Бугунги кунда “Кадрлар тайёрлаш миллий 
дастури” талабларини амалга ошириш юқори малакали мутахассисларни 
тайёрлаш ҳисобланади. Бунда асосий мақсад «Таълим тўғрисида»ги 
Ўзбекистон Республикаси Қонунининг қоидаларига мувофиқ, жахон 
миқёсидаги ютуқлар асосида тайёрланган чуқур билимли, етук, мустаҳкам 
иродали, юксак маънавиятли, улкан маҳоратга эга бўлган, келажак 
вазифаларини бажаришга бор кучи ва билимини сафарбар этадиган, 
интилиб яшайдиган янги авлодни тарбиялашдир[1,2,3]. 
Мақсад. Республикамизда амалга оширилаётган ислоҳотлар 
таълимни, 
кадрлар 
тайёрлаш 
тизимини 
тубдан 
янгилаш 
ва 
ривожлантиришни талаб этади. Маълумки биофизика фани организмда 
кечадиган ҳар қандай жараёнларни физикавий тажриба орқали ўрганади. 
Биофизикавий қонунлар тажрибаларда аниқланади. Асосий мақсад 
талабаларга организмда кечадиган физикавий жараёнларни ўргатиб, 
уларни замонавий таҳлил қилиш усуллари билан таништиришдир. 

---

266 
Вазифа: Хозирги давр талаби билан талабалар фақат натижаларни 
олишнигина эмас, балки уларни турли ахборот технологияларидан, 
статистик қайта ишлаш имконини берувчи дастурлардан фойдаланиб қайта 
ишлашни, охирги ҳақиқий қийматни топишни ҳам билишлари керак. Шу 
мақсадда биз муҳим суюқлик параметридан бири бўлиб ҳисобланган 
суюқлик 
қовушқоқлигини 
ўрганишда 
ахборот 
технологияларини 
қўллашни, янги инавацион усуллардан фойдаланишни кўриб чиқишни 
лозим деб топдик [4,5,6].
Шу мақсадда таълимнинг интерфаол усулларидан бири бўлган 
“Модулли ўқитиш” усулидан фойдаланилди, у халқаро усул бўлиб, ўзаро 
чамбарчас боғлиқ элементлардан иборат бўлган тугунни билдиради. 
Модулли ўқитиш-ўқитишнинг истиқболли тизимларидан бири бўлиб 
ҳисобланади. Ўқитишнинг модул тизими ҳақида расмий равишда биринчи 
марта 1972 йил, ЮНЕСКОнинг Токиодаги бутун жахон конференциясида 
сўз юритилган эди. Модулли ўқитиш технологияси - функционал 
тизимлар, фикрлашнинг нейрофизиологияси, педогогик - психологик 
умумий назариядан келиб чиқади. 
Таълим технологияси аниқ педагогик ғоя асосида ишлаб чиқилиб, 
унинг негизини қуйидагилар ташкил этади: муаллифнинг аниқланган 
методологик, фалсафий йўналиши; педагогик, психологик ва ижтимоий 
фанлар ҳамда педагогик амалиёт-концептуал асослари. 
Таълим тизими бошқа барча ҳорижий мамлакатлар сингари фалсафа, 
психология ва педагогикада инсонпарварлик йўналишидаги принциплар 
асосида тузилади. Педагогикада бу йўналишнинг асосий фарқ қиладиган 
жиҳати шундаки, бунда таълим олувчининг ўзлиги, унинг шахси, мустақил 
танқидий фикрлашини онгли ривожланишига аниқ йўналтирилган, 
уларнинг хусусият ва имкониятларини ҳисобга олган ҳар бир таълим 
олувчининг мустақил билиш фаолиятига эътиборида ҳисобланади.