Ус таълим вазирлиги ўзбекистон республикаси соғЛИҚни сақлаш вазирлиги

Бирламчи ТМЭКнинг асосий вазифалари

1. 
   Иш қобилияти ҳолатини, уни узоқ ва турғун йўқотишни, ногиронлик
   гуруҳларини, меҳнатга яроқсизлик ва ногиронлик сабабларини
   (фоизларда), иши билан боғлиқ бўлган соғлиғига зарар етган ишчиларни,
   шунингдек, уларни қўшимча ёрдамга эҳтиёжини аниқлаш.
   
2. 
   Ижтимоий - меҳнат реабилитация тадбирларини белгилаш.
   
3. 
   Оила аъзоларини боқувчисини ишлаб чиқариш жароҳати, касб касаллиги туфайли ёки фронтда халок бўлганлиги сабабли уларга ижтимоий ёрдам, нафақа бериш.
   
4. 
   Фуқароларга врач-меҳнат экспертизасига ҳужжатларни тайёрлашда ёрдам бериш.
   
5. 
   Комиссия кўрсатмасига асосан ногиронларни иш билан тўғри таъминланганлигини текшириш.
   
6. 
   Иш шароитини ўрганишда ишчилар соғлиғига ва иш қобилиятига ишлаб
   чиқариш жараёнининг ёки омилларнинг салбий таъсирини ўрганиш ҳамда уларни бартараф этиш чора - тадбирларини ишлаб чиқишда иштирок этиш.
   

Олий ТМЭКнингтузилиши ва вазифалари
Олий ТМЭК 4 врачдан ташкил топган бўлиб, ижтимоий таъминот ва касаба уюшмасидан вакил булади. Врачлардан бирига психолог ёки социолог олиниб, улардан бири комиссия раиси этиб тайинланади.

1. 
   Бирламчи ТМЭК ка ташкилий - услубий ёрдам бериш ва уларнинг фаолиятини назорат қилиш; Комиссия қарорларини кўриб чиқади, зарур бўлса ўзгартириш киритади.
   
2. 
   Бирламчи ТМЭК хулосалари бўйича аҳоли шикоятларини кўриб чиқади.
   
3. 
   Ногиронлик сабабларини ўрганиш ҳамда уларнинг олдини олиш тадбирларини ишлаб чиқади.
   
4. 
   ТМЭК врачларини ва врач - меҳнат экспертизаси таркибидаги врачларни малакасини ошириш борасидаги тадбирларда иштирок этади.
   

Беморларни комиссияга юбориш қоидалари ва уларни текширувдан ўтказиш
Коммисияларга юборилган касалларни ВККнинг берган хулосасига кўра қабул қилади, чунки бу беморларни ногиронлигини аниқлаш керак булади. Даволовчи врач касални ВТЭКка юбориш учун " «ВТЭКка юбориш йулланмаси»ни тўлдиради (форма-088-У). Бу йўлланмада қуйидагилар кўрсатилади: касалликни кечиши, олган давосини фойдаси, лаборатор таҳлиллар ва қўшимча текшириш усуллари маълумотлари, маслаҳатчининг хулосаси ва ҳк. Диагноз тўлиқ кўрсатилиши керак, касалликнинг давом этиши, иш шароитининг асосий кўрсаткичлари ҳам кўрсатиб ўтилади. Комиссия текшируви тугатилгандан сўнг эксперт қарор "«Акт» формаси тузилади, агар ногирон деб топилса справка берилади. Справкада ногиронликни қайта текшириш муддати, иш билан таъминлаш чоралари кўрсатилган бўлиб, ижтимоий таъминот органларига юборилади. Агарда бирламчи ВТЭК хулосасидаги ногиронлик одамларда норозиликни туғдирса юқори ВТЭКка юборилади ва унинг қарори асосий хал қилувчи қарор деб ҳисобланади. ВТЭКка биринчи марта мурожаат қилиши билан беморга касаллик варақаси бериш тўхтатилади. ВТЭКка боришдан бош тортган кишиларга касаллик варақаси берилиши ВККнинг ВТЭКка юбориш ҳақидаги қарори чиқарилган кундан бошлаб тўхтатилади. ВТЭКка боришдан бош тортиш ишга руҳсат беришга асос бўла олмайди. ВТЭК беморни ногирон деб топмаганда, беморни юборган даволаш-профилактик муассаса томонидан ВТЭК юборилган муддатга касаллик варақаси берилади. Меҳнатга лаёқатлиларни келаси кунидан бошлаб ишга йўлланма берилади, вақтинча меҳнатга лаёқатсизларга эса касаллик варақаси узайтириб берилади. ВТЭК фақат беморни меҳнатга яроқсизлигини белгилайди, касаллик варақасини муддатини даволаш - профилактик муассасалари врачлари томонидан белгиланади. Узайтириш муддати умумий принциплар асосида белгиланади, лекин бу муддат 2 ойдан ошмаслиги керак, агар бу муддат ичида ҳам соғлиғи тикланмаси ВТЭКка йўлланма берилади.