Toshkent farmatsevtika instituti dori turlari texnologiyasi kafedrasi dori turlari texnologiyasini rivojlantirish istiqbollari

Gaz yordamida sterillash

Bu xil kimyoviy sterillash turi, uchuvchan, dezinfeksiyalovchi moddalarni qo‘llashga asoslangan bo‘lib, ularni vakuum hosil qilish orqali yoki engil isitish orqali eritma tarkibidan chiqarib yuborish mumkin. Bu usul haroratga chidamsiz bo‘lgan dori preparatlarini sterillashda ishlatiladi. Amaliyotda hozirgi kunda ishlatilayotganlaridan suyuq etilen oksid va v -propionlaktonlar ma’lum. Ularni bakteritsid xususiyati eritmada gidrolizlanib, mikroorganizmlarga kuchli ta’sir ko‘rsatadigan moddalar hosil bo‘lishiga asoslangan. Eritmalarni sterillash uchun etilen oksidni 400-500 mg/l miqdor konsentratsiyasi etarli hisoblanadi. Sterillash vaqti 6 soat, etilen oksid gidrolizlanganda etilenglikol hosil bo‘ladi. Etilen oksid vaCO₂ aralashmasi bilan sterillash usuli AQSH (1965y) va Angliyaning (1963 y) farmakopeyalarida ko‘rsatilgan.

Suyuq etilen oksid 10,7⁰Сqaynaydi, po‘lat balonlarda saqlanadi.Oson yonuvchan. Teriga salbiy ta’sir ko‘rsatadi. 0,5 mg/l konsentratsiyada etilen oksid odamga zaharlovchi ta’sir ko‘rsatmaydi. Zaharli ta’sirni kamaytirish uchun SO₂ aralashmasi bilan ishlatiladi (9+1) qism.CHet ellarda etilen oksid termolabil moddalarni sterillash uchun ishlatiladi.Bundan tashqari asboblarni, apparatni, plastmassani, bog‘lov materiallarini sterillash uchun ishlatiladi. Sterillash maxsus apparat kameralarida navbatma-navbat vakum va bosim ta’sir ettirib olib boriladi. Keyin 2-4 marta steril havo bilan "yuviladi".

β -propionlakton suyuqlik bo‘lib, qaynash harorati 153⁰С. Suvda eriganda v -oksipropion kislotagacha gidrolizlanadi. 0,2% li β-propionlakton eritmalarni sterillash uchun ishlatiladi, 37⁰Sda 2 soat inkubatsiya qilinadi. Gaz holidagi propionlakton ko‘zdan yosh oqizuvchi ta’sir ko‘rsatadi.