Тошкент давлат иқтисодиёт университети ҳузуридаги Педагог кадрларни қайта тайёрлаш ва уларнинг малакасини ошириш тармоқ маркази тингловчиси Убайдуллаев Лутфулла Хабибуллаевичнинг “Корхонанинг асосий фондлари ва айланма маблағлари

Битирув ишининг объекти қилиб “Иқтисодиёт ва менежмент” фанидан “Корхонанинг асосий фондлари ва айланма маблағлари, уларнинг шаклланиши ва фойдаланиши” мавзуси белгилаб олинди.
Битирув ишининг предмети бўлиб “Иқтисодиёт ва менежмент” фанидан “Корхонанинг асосий фондлари ва айланма маблағлари, уларнинг шаклланиши ва фойдаланиши” мавзусини модулли ўқитиш тизимини ташкил этишнинг методи, шакли ва воситалари ҳисобланади.
Битирув ишининг мақсади “Иқтисодиёт ва менежмент” фанини ўқитишда замонавий педагогик технологияларни қўллаш, ишлаб чиқариш ресурслари ва улардан самарали фойдаланиш, фан-техника тараққиёти ва унинг ютуқларини ишлаб чиқаришга тезликда қўллаш, ўқитишда модулли ёндашувга асосланган “Иқтисодиёт ва менежмент” фанидан “Корхонанинг асосий фондлари ва айланма маблағлари, уларнинг шаклланиши ва фойдаланиши” мавзуси бўйича ўқув модули ишланмаси яратишдан иборат.
Ҳозирги вақтда таълим тизимида илғор педагогик технологияларни ўқитиш шаклларини жорий этиш муҳим аҳамият касб этиб келмоқда. Педагогик технологиялар ўқитиш жараёнини самарали тартибда амалга ошириш, бошқариш, кўзланган мақсад асосидаги натижаларга эришиш имкониятини яратади. Ҳозирги даврда замонавий ўқитиш шаклларидан бири – бу модулли ўқитиш шакли ҳисобланади. Модулли ўқитиш - бу ўқитишнинг истиқболли тизимларидан бири ҳисобланади, чунки у таълим олувчиларнинг билим имкониятларини ва ижодий қобилиятларини ривожлантириш тизимига энг яхши мослашгандир.
Модулли ўқитишда талабаларни босқичма-босқич ўқитиш имконияти яратилади. Яъни ўқитишни индивидуаллаштириш мумкин бўлади. Модулли ёндашув асосида ишлаб чиқилган мавзу сўз ва кўргазмалилик алоқасининг ҳилма – хиллигини талаб қилади. Бунда таълимни вазифаси, мавзунинг мазмуни, мавжуд кўргазмали воситаларнинг ҳарактери, талабаларни соҳа бўйича билимларини янада бойитишга қаратилган.

Илмий изланиш мақсадига эришиш учун қуйидаги вазифалар белгилаб олинди:

- “Иқтисодиёт ва менежмент” фани тараққиётининг устувор йўналишларини ўрганиш;
-“Иқтисодиёт ва менежмент” фанини ўқитишдаги инновациялар ва илғор хорижий тажрибаларни ўрганиш;
- ўқув фани дастурининг қисқача тавсифи мазмунини ёритиб бериш;
- “Корхонанинг асосий фондлари ва айланма маблағлари, уларнинг шаклланиши ва фойдаланиши” мавзуси бўйича маъруза матнини ишлаб чиқиш;
- “Корхонанинг асосий фондлари ва айланма маблағлари, уларнинг шаклланиши ва фойдаланиши” мавзуси юзасидан кейслар, амалий топшириқлар ва ишланмаларни тайёрлаш;
- фан ва мавзу бўйича назорат топшириқлари ва мустақил таълим юзасидан кўрсатмаларни ишлаб чиқиш;
- “Корхонанинг асосий фондлари ва айланма маблағлари, уларнинг шаклланиши ва фойдаланиши” мавзуси юзасидан тақдимотларни тайёрлаш.
- “Корхонанинг асосий фондлари ва айланма маблағлари, уларнинг шаклланиши ва фойдаланиши” мавзуси бўйича модулни амалиётда фойдаланиш бўйича таклифлар ишлаб чиқишдан иборат.