Toshkent davlat iqtisodiyot

 

104 

 

Makrosegmentlash.  Makrosegmentlar  standart  sanoat  tasniflash  kodi,  korxona 

hajmi,  geografik  joylashuvi  kabi  alomatlar  asosida  ajratib  ko‘rsatiladi.  Potensial 

mijozning  faoliyat  xarakteri  yangi  mahsulot  qanday  tavsifnomalarga  ega  bo‘lishi 

lozimligini  belgilab  beradigan  asosiy  omil  hisoblanadi.  Innovatsion  mahsulot 

foydaliligi  xarajatlar  strukturasi,  raqobat  vaziyati,  bozor  strukturasi,  ishlab  chiqarish 

texnologiyalari,  oldingi  ta’minotchilar  bilan  munosabatlar  va  maqsadli  tarmoqning 

boshqa  asosiy  ko‘rsatkichlariga  –  ularning  belgilangan  potensial  mijoz  xulq-atvoriga 

ta’sir ko‘rsatishi darajasida bog‘liq bo‘ladi.  

Maqsadli  makrosegmentlarni  tanlashda  asosiysi  «Mahsulot  qaysi  kompaniyalar 

uchun,  qaysi  tarmoqlarda  eng  katta  qimmatga  ega  bo‘ladi?»  va  «Qaysi  kompaniyalar 

unga eng katta ehtiyoj sezadi?» savollariga javob berish hisoblanadi. «Biz nimani eng 

yaxshi  tarzda  bajarishimiz  mumkin?»  savoliga  javob  topishga  imkon  beradigan 

kompaniya  imkoniyatlari  tahlili  makrosegmentlashni  o‘tkazish  uchun  juda  muhim 

axborot hisoblanadi.  

Bozorni tanlash bu – mijozlarni, shuningdek, siz raqobat qiladigan texnik, siyosiy 

va  ijtimoiy  sharoitlarni  tanlashdir.  Bu  o‘zgartirish  oson  bo‘lmagan  qarordir.  Unga 

korxonaning  o‘tmishdagi  tajribasi,  uning  marketing,  ishlab  chiqarish  va  texnik 

imkoniyatlari,  hozirgi  mijozlar,  raqobatchilar  bilan  munosabatlar  xarakteri  va  h.k. 

ta’sir  ko‘rsatadi.  Makrosegmentlash  natijasida  qabul  qilinadigan  qaror  korxona 

maqsadlari  va  imkoniyatlarini  bozorning  qoniqtirilmagan  ehtiyojlari  bilan  mos  holga 

keltirishni  ko‘zda  tutadi.  Mahsulot  tavsifnomalari  korxona  imkoniyatlarining  mijozlar 

ehtiyojlari  bilan  kesishuv  nuqtalari  yordamidabelgilanadi.  Natija  –  yangi  mahsulotni 

ma’lum bir bozorda joylashtirishdir.