Toshkent davlat iqtisodiyot universiteti ergashxodjaeva sh. D. Innovatsion

Ijtimoiy  marketing.  Ijtimoiy  marketing  iste’molchilar  va  ushbu  tovar  o‘rtasida 
ayirboshlashga  ijobiy  ta’sir  etadigan  va  oqibatda  korxona  oladigan  foydaga  ijobiy 
ta’sir  ko‘rsatadigan  notijorat  harakatlarini  o‘z  ichiga  oladigan  marketing  faoliyatini 
shakllantirish va rivojlantirish jarayonidan iborat bo‘ladi. Ingliz tilidagi ifoda to‘laroq 
ma’no  beradi:  cause  related  marketing.  Ijtimoiy  marketingdan  oldin  ijtimoiy-etika 
marketingi  mavjud  bo‘lgan  bo‘lib,  uning  uchun  birlamchi  vazifa  uzoq  muddatli 

---

129 
 
istiqbolda iste’molchi uchun qulaylik izlab topish va korxona uchun foyda topishdan 
iborat  bo‘lgan.  Ijtimoiy  marketingga  yaqin  yondashuv  –  jamotchilik  marketingi  va 
ekologiya marketingi sanaladi. 
Geomarketing.  Geomarketing  taklifni  yaxshiroq  moslashtirish  uchun  mahalliy 
iste’molchilar talabini tushunish va aniqlashga yo‘naltiriladi. U ko‘cha/kvartal/sektor 
tipologiyasini  aniqlash  uchun  iqtisodiy  makonlarni  aniq  va  geografik  tahlil  qilishga 
asoslanadi.  Marketing  nazariyasini  geomatikadan  ajratishga  intiladiganlar  bu 
marketingni  makon  marketingi  deb  ataydilar.  Geomatika  –  geografik  va  kartografik 
tarkibiy  qismlar  bilan  raqamli  ma’lumotlarni  taqdim  etish  va  tahlil  qilishga 
bag‘ishlangan  texnikalar  to‘plamini  birlashtiradigan  fandir.  Mikromarketing  – 
geomarketingdan  kengroq  tushuncha  bo‘lib,  reaksiya  darajasi  yuqori  bo‘lgan 
iste’molchilar  mikrosegmentlarni aniqlash  va  xizmat ko‘rsatish  uchun  mo‘ljallangan 
bozorlarni juda nozik segmentlashga asoslanadi.