R. S. Qosimov (rais), X. Sultonov, Q. Nazarov, M

Iqtisod - inson va jamiyat hayotining uch asosiy soha- sidan (yo’nalishidan) biri, har bir insonning atrof-tabiat (moddiy voqelik)ka amaliy munosabati.
Har qanday jamiyat va har bir inson hayotida iqtisod, siyosat, ma’naviyat yo’nalishlari har biri o’z o’rni va mustaqil ahamiyatiga ega
bo’lib, voqelikda bu uch soha manfaatlari nihoyatda chatishib ketgan, har qanday hodisada har uch yo’nalish unsurlari uchraydi va ularni bir-
biridan ajratib tasavvur qilish ancha mushkul. Ammo tarix ibrati va mantiq xulosasi shundan dalolat beradiki, ularni bir-biriga bo’ysundirishga, birini biridan keltirib chiqarishga urinish yaxshi natijalarga olib kelmaydi. Bundan tashqari umuman mavjud uch sohadan birining muayyan muddat o’zgalaridan orqada qolishi, oqsashi qolganlariga ham salbiy ta’sir ko’rsatib, ularni orqaga torta boshlashi ham tabiiy qonuniyat.

Iqtisod, siyosat, ma’naviyat uyg’unligi - milliy dunyoqara- shimizning tayanch nuqtalari- dan biri, inson va jamiyat hayoti ushbu uch sohadan (uch yo’nalishdan) iborat bo’lib, inson va jamiyat kamoloti-ning asosi ularning o’zaro uyg’un rivojida ekanligi.
Prezident I.A.Karimov doimo iqtisod, siyosat va ma’naviyatning o’zaro uyg’un rivojlanishi zarurligini ta’kidlab keladi: “Davlat qurilishi, iqtisodiy rivojlanish jarayonlari ma’naviy kamolot, yuksak axloqiylik bilan to’la uyg’un bo’lmog’i kerak.»¹⁴⁵ Chunki mustaqilligimizning uch tayanchi - mustaqil milliy siyosat, iqtisodiy qudrat va xalq ma’naviyati bir-biri bilan chambarchas bog’liq. Agar siyosiy mustaqillik bo’lmasa, millat asta-sekin o’zligini yo’qota boradi,
iqtisodiy mustaqillik bo’lmasa, siyosiy mustaqillikning zamini mo’rt bo’ladi. Ammo ma’naviy mustaqillik bo’lmasa, millatning o’zi bo’lmaydi. Faqat ularning o’zaro uyg’un rivoji ta’min etilsagina, O’zbekiston ulug’ yurt sifatida jahon hamjamiyatida o’z munosib o’rnini egallay oladi.

3-fasl. Mustaqillik sharoitida islom diniga munosabatning tubdan