Qora qalpoq indd

Hújjetler papkaları dizimlerin dúziw
Turaqlı hám uzaq waqıt saqlanatuǵın hám áhmiyetlilik 
qunı ekspertizasınan ótkerilgen, usı talaplarǵa muwapıq 
rásmiylestirilgen jeke quram boyınsha juwmaqlanǵan 
hújjetler papkaları boyınsha hár jılı dizimler dúziledi. 
Waqtınsha saqlanatuǵın hújjetler papkalarına dizimler 
dúzilmeydi.
Strukturalıq bólimlerdiń hújjetler papkaları dizimleri 
hújjetler ushın juwapker xızmetker tárepinen tikkeley 
keńselik arxivtiń metodikalıq basshılıǵı astında dúziledi.
Turaqlı saqlanatuǵın hám uzaq waqıt saqlanatuǵın 
hújjetler papkalarına, jeke quram boyınsha hújjetler 
papkalarına hám bir túrdegi (temalar boyınsha esabatlar, 
racionalizatorlıq usınıslar hám t.b.) hújjetler papkalarına 
óz aldına dizimler islep shıǵıladı.
Hújjetler papkalarınıń dizimleri shólkemlerdiń hárbir 
strukturalıq bólimleri hújjetler papkasına, quramsız 
shólkemlerde onıń xızmeti procesinde shólkemlesken 
hárbir kalendar jılda júrgizilgen barlıq hújjetler 
papkalarına dúziledi.
Strukturalıq bólimler tárepinen tayarlanǵan dizimler 
keńselik arxiv tayarlaytuǵın shólkemler papka dizimin 
tayarlaw ushın tiykar bolıp xızmet etedi hám olar boyınsha 
ol hújjetler papkaların mámleket saqlawına tapsıradı.
Shólkemler strukturalıq bólimleriniń dizimleri eki 
nusqada dúziledi, olardan birewi hújjetler papkaları menen 

---

344
birge keńselik arxivke beriledi, ekinshisi – qadaǵalaw 
nusqası sıpatında strukturalıq bólimde qaldırıladı; uzaq 
waqıt saqlanatuǵın hújjetler papkasındaǵı dizimler 
«saqlaw múddeti, dizimler boyınsha statya) degen 
qosımsha baǵanaǵa iye boladı.
Dizimlerdiń hár qaysı nusqasınıń aqırında arxivke 
ámelde berilgen (qabıl etilgen) hújjetler papkaları sanı, 
saqlanbaǵan hújjetler papkaları qatar nomerleri, sanlar 
hám sóz benen kórsetiledi, qabıl etiw – tapsırıwdı ámelge 
asırıwshı xızmetkerlerdiń qoyǵan qolları qoyıladı, sánesi 
kórsetiledi.