Portlash Yonish xavfi bor kimyo, neft kimyo va neft gazni qayta ishlash korxonalari uchUN PORTlash XAVFSIZLIGINING UMUMIY QOIDALARINI TASDIQlash to‘G‘risida

§ 9. Nazorat, boshqarish, AQAH, aloqa va xabar berish tizimlarini ishlatish.
246. Nazorat, boshqarish va AQAH tizimlarini to‘g‘ri ishlatish ustidan nazorat o‘rnatiladi.
247. Texnologik jarayonlar va uskunalarning ishlashi nosoz yoki o‘chirib qo‘yilgan nazorat, boshqarish va AQAH tizimlari bilan amalga oshirilmasligi kerak.
248. Kamdan-kam hollarda uzluksiz jarayonlar uchun korxona rahbarlarining ruxsatnomasiga muvofiq alohida parametrlar bo‘yicha qisqa muddatli o‘chirish faqat kunduzgi smenada ruxsat etiladi. Bunda texnologik jarayon va ishlab chiqarish ishlarining xavfsizligini ta’minlaydigan tashkiliy-texnik tadbirlar va ishlarni tashkil etish loyihasi ishlab chiqiladi. O‘chirishlarning davomiyligi loyiha va texnologik reglament bilan belgilanadi.
Avariya oldi signalizatsiyasini o‘chirish bu hollarda ruxsat etilmaydi.
Texnologik jarayonlari avtomatik boshqarish tizimlarida dastakli blokirovkadan (deblokirovka) chiqarishga ruxsat etilmaydi.
249. Nazorat yoki boshqarish tizimlari elementlarini almashtirish davrida jarayonni dastakli rejimda xavfsiz olib borishni ta’minlaydigan vositalar va choralar nazarda tutiladi.
Loyihada, texnologik reglamentda va yo‘riqnomalarda dastakli rejimda boshqarish ruxsat etilmaydigan jarayon bosqichlari yoki alohida parametrlari aniqlanadi.
250. Har qanday toifali portlash xavfi bor texnologik blokli obyektlar uchun nazorat, boshqarish va AQAH, aloqa va xabar berish tizimlarida mo‘ljallangan xizmat muddatini o‘tab bo‘lgan asboblar, moslamalar boshqa elementlarni qo‘llash man etiladi.
251. Smenaning texnologik xodimiga, ishchi (amaldagi) yo‘riqnoma ko‘rsatmalariga muvofiq ayrim asboblar va avtomatizatsiya vositalarini avariya holatida o‘chirishiga ruxsat beriladi.
Nazorat, boshqarish va AQAH tizimlarini ta’mirlash va sozlashni NO‘AvaA xizmati xodimlari bajaradi.
§ 10. Nazorat, boshqarish, AQAH, aloqa va xabar berish tizimlarini montaj qilish, sozlash va ta’mirlash.
252. Nazorat, boshqarish va AQAH tizimlarida qatnashadigan zulfinli tartibga soluvchi armaturalar, ijro mexanizmlari ta’mirlashdan keyin va joyiga o‘rnatishdan oldin dalolatnomalarni rasmiylashtirish yoki pasportga, jurnalga yozish bilan tez ishlashi, mustahkam va zich yopilishiga davriy sinovdan o‘tkazilishi kerak. Sinov davriyligi reglamentlanadi.
253. Nazorat, boshqarish va AQAH tizimlarini montaj qilish, sozlash, ta’mirlash, tartibga solish va sinash bo‘yicha ishlarda uchqun hosil bo‘lishiga yo‘l qo‘ymaslik kerak. Portlash xavfi bor zonalarda bunday ishlarni o‘tkazishda ishlarni xavfsiz tashkil qilish va bajarishni ta’minlaydigan choralar ishlab chiqiladi, topshiriq-ruxsatnoma rasmiylashtiriladi.
254. Ta’mirlash, sozlash yoki qiyoslash uchun nazorat, boshqarish, AQAH, aloqa va xabar berish vositalari echib olinganda, barcha parametrlar bo‘yicha echib olingan vositalarni barcha parametrlari bo‘yicha o‘xshash vositalarga zudlik bilan almashtirish kerak.
255. Portlashdan himoyalangan elektr uskunalarni ta’mirlash, texnik xizmat ko‘rsatish tizimlari, o‘lchash va avtomatlashtirish tizimlarini ta’mirlashning me’yoriy hujjatlari va boshqa me’yoriy-texnik hujjatlar talablariga muvofiq amalga oshiriladi.