Portlash Yonish xavfi bor kimyo, neft kimyo va neft gazni qayta ishlash korxonalari uchUN PORTlash XAVFSIZLIGINING UMUMIY QOIDALARINI TASDIQlash to‘G‘risida

§ 8. Aloqa va xabar berish tizimlar.
242. O‘z tarkibida barcha portlash xavfi bor toifadagi texnologik blokka ega bo‘lgan obyektlar, hamda boshqa ular bilan texnologik bog‘liq bo‘lgan obyektlar ikki tomonli baland tovushli moslama va telefon aloqasi tizimlari bilan jihozlanadi.
Ikki tomonli baland tovushli aloqa, asoslangan hollarda dispetcher xodimlari, sanoat obyektlarining fuqoralar himoyasi (FH) shtabi, gazdan qutqarish harbiylashtirilgan xizmati (GQHX), yong‘indan saqlash harbiylashtirilgan qism (YoSHQ), to‘kish-quyish, yonuvchi, suyultirilgan va zaharli mahsulotlar omborlari va nasoslariga ega, I toifali portlash xavfi bor texnologik blokli obyektlar uchun nazarda tutiladi.
Aloqa o‘rnatiladigan ishlab chiqarish bo‘linmalar ro‘yxati, aloqa turi loyiha ishlab chiqaruvchi tomonidan texnologik jarayon xususiyatlaridan, texnologik bloklar portlash xavfliligi toifasini hisobga olgan holda va ishlab chiqarish sharoitlari hamda boshqa faktorlarga bog‘liq holda aniqlanadi.
243. Barcha toifali portlash xavfi bor texnologik bloklarda xavfli birdaniga chiqarib yuboriladigan va boshqa kimyoviy chiqindilarni aniqlash, kengayib ketishini oldini olish va bartaraf etish haqida xabar berishni ta’minlovchi texnik vositalar nazarda tutiladi, bunda axborot, o‘ziga portlash xavfi bor (yoki zaharli kimyoviy) blokni, mumkin bo‘lgan tarqalib ketish yo‘llari haqida bashorat ma’lumotlarini kiritgan holda sanoat obyektlari GQH xizmati, FH va tashkilot dispetcheri hamda yuqoridagi boshqarish tizimlariga berilishi kerak.
244. O‘z tarkibida I toifali portlash xavfi bor bloklarga ega bo‘lgan ishlab chiqarishlarni boshqarish xonalarida, tashqi qurilmalarda, korxona dispetcheri xonasida, sanoat obyektlari va yaqinidagi aholi FM shtabida kimyoviy xavfli chiqindilari haqida xabar berish uchun sirena va boshqarish postlari qurilmalari nazarda tutiladi.
Xabar berish vositalari o‘z tashqi jihozlanishi bo‘yicha shunga o‘xshash sanoatda ishlatish vositalaridan farq qilishi kerak, ularni joylash va o‘rnatish, begona shaxslar kirishiga va bexosdan ishlatish mumkinligiga yo‘l qo‘ymaslik kerak. Xabar berish signal moslamalari tamg‘alanadi.
245. Ishlab chiqarish xodimlari va aholini avariya vaziyatlari haqida xabar berish tartibi va tashkil etilishi, texnik vositalar va tegishli xizmatlarni kimyoviy zararlanish xavfini bartaraf etish bo‘yicha tayyorgarlik holatini ishlab turishga javobgarlik avariya vaziyatlarni tarqalib ketishiga yo‘l qo‘ymaslik rejasi orqali aniqlanadi.