O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Anketa so’rovi. Anketa savol-javob shunday usullar guruhiga taalluqliki, u jamiyatshunoslik, pedagogika va psixologiyada so’rovnoma deb ataladi. Bu guruhga anketa so’rovidan tashqari intervyu va suhbatlashish kiradi. Ushbu hamma uslublar bitta yetakchi xususiyatga ega: ular yordamida tadqiqotchi so’raluvchilarning og’zaki ma`lumotlardan mavjud axborotlarni oladi.
Tadqiqotning boshqa uslublariga qaraganda so’rov samaradorligi ikkita narsaga bog’liq: birinchidan, so’raluvchi berilga savollarga javob berishni xoxlaydimi va javob beradimi hamda ikkinchidan, bu savollarga javob bera oladimi.
Anketa so’rovi – bu so’raluvchilarning andozalashtirilgan anketa savollari tizimiga bergan yozma javoblaridan axborot olish uslubidir.
Intervyu – tadqiqotchi tomonidan og’zaki beriladigan savollar tizimiga so’raluvchilarning og’zaki javob berish yo’li bilan axborot olish uslubidir.
Suhbatlashish – tadqiqotchining qiziqtirgan masalalar bo’yicha ikki tomonlama yoki ko’p tomonlama muhokama qilish yo’li bilan axborot olish uslubidir.
Anketa kirish, asosiy va demografik qismdan iborat bo’lishi lozim. Anketaning kirish qismi so’raluvchilarga o’ziga xos murojatdan iborat bo’lib, unda: 1) mazkur tadqiqot mavzusini olib borayotgan ilmiy muassasa hamda tadqiqotchi kimning nomidan ishtirok etayotganligi; 2) tadqiqot vazifalar, ushbu vazifalarni hal etishning nazariy va amaliy ahamiyati; 3) oldinga qo’yilgan vazifalarninhal etishda har bir so’raluvchining vazifasi; 4) so’raluvchi javoblarining to’liq sir tutilishiga ishonch bildirilishi tadqiqot ma`lumotlari hamda nashrda so’raluvchining ismi ko’rsatilmasligi lozim; 5) anketani to’ldirish qoidalari; 6) agar so’raluvchi istasa tadqiqot natijalarining unga yetkazilishiga ishontirish; 7) anketani tadqiqotchiga qaytarib berish usuli ko’rsatiladi.
Anketaning asosiy qismi savollar to’plamidan tashkil topadi, ularga berilgan javoblar tadqiqotchi vazifalarini hal etishga qaratilgan.
Anketaning demografik qismi so’raluvchining pasport ma`lumotlarini aniqlovchi savollardan tashkil topadi. Olimlar uzoq tortishuvlar natijasida shunday fikrga keldilarki, anketaning demografik qismi uning oxirida joylashgan bo’lishi lozim.